Libri “Për Kosovën Republikë”, i autorit Enver Dugolli, do të promovohet më 15 nëntor në Konsullatën e Përgjithshme të Kosovës në Cyrih. Vepra sjell kujtime, dëshmi dhe përjetime personale të autorit nga një periudhë e rëndësishme e historisë kombëtare.
Konsullata e Përgjithshme e Republikës së Kosovës në Cyrih ka njoftuar se promovimi i librit do të mbahet të dielën, më 15 nëntor 2026, duke filluar nga ora 18:00, shkruan Telegrafi.
Përmes rrëfimeve dhe reflektimeve, Dugolli pasqyron në këtë vepër qëndresën, sakrificën dhe përpjekjet për lirinë dhe Republikën e Kosovës.
Autori ishte pjesëmarrës dhe dëshmitar i drejtpërdrejtë i periudhës historike që trajtohet në libër, i cili synon të kontribuojë në ruajtjen e kujtesës historike dhe përcjelljen e saj te brezat e rinj.
Sipas njoftimit të Konsullatës, promovimi do të ofrojë mundësinë për bashkëbisedim me autorin dhe reflektim mbi rrugëtimin historik të Kosovës drejt lirisë dhe shtetësisë.
Ngjarja do të mbahet në ambientet e Konsullatës së Përgjithshme të Kosovës në adresën Eugen-Huber-Strasse 19A, 8048 Zürich./Telegrafi/
Postimi i plotë:
