Nagavci kërkon nga BE-ja të zbatojë ndaj vetes standardet që ua kërkon vendeve të Ballkanit Perëndimor

Nagavci kërkon nga BE-ja të zbatojë ndaj vetes standardet që ua kërkon vendeve të Ballkanit Perëndimor

Nagavci kërkon nga BE-ja të zbatojë ndaj vetes standardet që ua kërkon vendeve të Ballkanit Perëndimor

Shefja e Grupit Parlamentar të Lëvizjes Vetëvendosje, Arbërie Nagavci, ka reaguar pas interpretimit të këngës nacionaliste serbe në mbrëmjen hapëse të Forumit të Zgjerimit të Bashkimit Evropian, të organizuar nga Komisioni Evropian në Bruksel.

Nagavci ka thënë se kjo këngë daton nga viti 1989, në kohën kur regjimi i Slobodan Millosheviqit po ia rrënonte Kosovës autonominë dhe po i përjashtonte shqiptarët nga shkollat, spitalet dhe vendet e punës.

Sponsor 3M Express

Sipas saj, mesazhi i këngës paraqet Kosovën si tokë serbe që nuk dorëzohet, ndërsa ka theksuar se ky diskurs i parapriu luftës, dëbimeve dhe masakrave në Kosovë.

Ajo ka kritikuar Bashkimin Evropian për interpretimin e kësaj kënge në një aktivitet të organizuar prej tij, duke thënë se standardet kundër retorikës nacionaliste duhet të vlejnë edhe për vetë institucionet evropiane.

“BE-ja me të drejtë u kërkon vendeve të Ballkanit Perëndimor të ballafaqohen me të kaluarën dhe të heqin dorë nga retorika nacionaliste. I njëjti standard duhet të vlejë edhe për ngjarjet që organizon vetë ajo”, ka shkruar Nagavci.

Ajo ka shprehur mbështetjen për reagimin e institucioneve të Kosovës, të cilat kërkuan sqarime nga Komisioni Evropian.

“E mbështes plotësisht reagimin e institucioneve tona, të cilat me të drejtë kërkuan sqarim nga Komisioni Evropian. Ne e duam Evropën, dhe pikërisht për këtë i kërkojmë të jetë në lartësinë e vlerave të saj”, ka theksuar ajo.

Në fund, Nagavci ka thënë se Kosova do ta vazhdojë rrugën e saj evropiane me vendosmëri, reforma dhe dinjitet.

“Sepse Evropa jonë është Evropa e së vërtetës, jo e këngëve që na mohojnë”, ka përfunduar ajo.

Burimi: Dukagjini

Lexo edhe

Presidentja Shiroka Pula në 10-vjetorin e NALT-it: Anëtarësimi në NATO mbetet synimi strategjik i Kosovës

Presidentja Shiroka Pula në 10-vjetorin e NALT-it: Anëtarësimi në NATO mbetet synimi strategjik i Kosovës

Andreeva triumfon në Indian Wells

Andreeva triumfon në Indian Wells

Kryeprokurori Gashi dhe kryetari i Supremes diskutojnë ashpërsimin e politikës ndëshkimore

Kryeprokurori Gashi dhe kryetari i Supremes diskutojnë ashpërsimin e politikës ndëshkimore