Lionel Messi vazhdon të shkëlqejë në futbollin botëror, duke iu afruar një tjetër arritjeje historike në karrierën e tij.
Ylli argjentinas ishte vendimtar në fitoren 2-1 të Inter Miamit ndaj New England Revolution, ku shënoi një gol dhe regjistroi një asistim.
Me këtë paraqitje, Messi ka arritur në kuotën e 937 golave dhe 428 asistimeve në karrierë, duke regjistruar gjithsej 1.365 kontribute në gola. Atij i nevojiten edhe 35 për të prekur shifrën prej 1.400.
Në këtë sezon, 39-vjeçari ka shënuar 26 gola dhe ka dhënë 13 asistime.
Në anën tjetër, Cristiano Ronaldo vazhdon të ketë më shumë gola të realizuar, me 985 në 1.343 ndeshje, krahasuar me 937 golat e Messit në 1.184 paraqitje.
Megjithatë, në totalin e golave dhe asistimeve, Messi është përpara me 1.365 kontribute, ndërsa Ronaldo ka 1.246, një diferencë prej 119 kontributesh.
Kjo epërsi e argjentinasit lidhet kryesisht me numrin më të madh të asistimeve. Sipas statistikave të përmendura, Messi ka qenë i përfshirë në 36 gola në 27 ndeshjet e fundit me Inter Miamin dhe Argjentinën, duke vazhduar të dëshmojë ndikimin e tij në fushë.
Sinjali – aty ku e vërteta flet para lajmit!
Burimi: Sinjali
