Federata e Futbollit të Kosovës (FFK) ka prezantuar Lutfi Dalipin si futbollistin më të ri që do t’i bashkohet përfaqësueses së Kosovës.
Futbollisti i Vaduzit, i cili është i huazuar nga Young Boys, ka vendosur përfundimisht që në nivel ndërkombëtar ta përfaqësojë Kosovën, ndonëse është rritur në Zvicër.
FFK-ja ka konfirmuar kështu raportimin e Telegrafit, sipas të cilit Dalipi kishte zgjedhur Kosovën dhe pritej të ishte i pranishëm në stadiumin “Fadil Vokrri”.
Në prezantimin e tij, Dalipi ka treguar se vendimi nuk ishte i lehtë, pasi ishte rritur në Zvicër, por në fund zgjodhi Kosovën me zemër.
“ Në fillim ka qenë pak zor për mua me zgjedh Kosovën ose Shqipërinë se jam rrit në Zvicër, po me zemër e kam marrë Kosovën. I kam thënë babushit se një ditë do të luajë ose për Kosovën ose për Shqipërinë”, ka deklaruar Dalipi.
Ai është shprehur i lumtur për këtë vendim, duke shtuar se beson që Kosova do të jetë një ekip shumë i fortë.
Dalipi do të jetë të shtunën në stadiumin “Fadil Vokrri”, ku do ta përcjellë nga afër ndeshjen Kosovë – Izrael, e cila nis nga ora 15:00.
Sinjali – aty ku e vërteta flet para lajmit!
Burimi: Sinjali
