Logopedi Iljasa Fazliu ia mësyn të bëhet shef në QKUK

Logopedi Iljasa Fazliu ia mësyn të bëhet shef në QKUK

Logopedi Iljasa Fazliu ia mësyn të bëhet shef në QKUK

Logopedi kosovar Iljasa Fazliu, i arrestuar në nëntor të vitit 2022, ia ka mësyrë të bëhet shef në QKUK, raporton Klan Kosova.

Sponsor 3M Express

Kjo është bërë e ditur në njoftimin e QKUK-së për verifikimin paraprak të kandidatëve që kanë aplikuar në konkursin e shpallur më 8 tetor.

Logopedi Fazliu ka konkurruar për pozitën “Shef i Shërbimit të Logopedisë në Klinikën e Otorinolaringologjisë në QKUK”, i cili në këtë konkurs publik i ka edhe dy kundërkandidatë, Zahide Rraci dhe Granit Haliti.

Fazliu ishte ndaluar pas publikimit të një audio-incizimi ku dëgjohej duke fyer një fëmijë në ordinancën e tij private në Gjilan.

Në atë kohë, ai mbante pozitën e ushtruesit të detyrës së shefit të Shërbimit të Logopedisë në Klinikën e Otorinolaringologjisë në QKUK, nga e cila ishte larguar pas publikimit të rastit.

Prokuroria Themelore në Gjilan, Fazliut i kishte ngritur aktakuzë për veprën penale “Trajtimi i pa ndërgjegjshëm mjekësor”.

Në nëntor të vitit 2024, Gjykata e kishte shpallur të pafajshëm, duke nxjerrë aktgjykim lirues.

Megjithatë, nuk dihet nëse ka ndonjë vendim të mëvonshëm të formës së prerë nga Gjykata e Apelit ndaj tij. /Klankosova.tv

Lexo edhe

Zyrtari i Gjykatës së Prishtinës në pranga – krijoi dosje fiktive dhe ia mundësoi një shtetasi serb në arrati t’ia tjetërsojë një banesë në Matiçan

Zyrtari i Gjykatës së Prishtinës në pranga – krijoi dosje fiktive dhe ia mundësoi një shtetasi serb në arrati t’ia tjetërsojë një banesë në Matiçan

Tetë gra të vrara në Kosovë gjatë vitit 2026, Domi: Viti më i kobshëm (VIDEO)

Tetë gra të vrara në Kosovë gjatë vitit 2026, Domi: Viti më i kobshëm (VIDEO)

Telegram bllokohet në Jordani, autoritetet zbulojnë arsyet e vendimit

Telegram bllokohet në Jordani, autoritetet zbulojnë arsyet e vendimit