Zyrtari i Gjykatës së Prishtinës në pranga – krijoi dosje fiktive dhe ia mundësoi një shtetasi serb në arrati t’ia tjetërsojë një banesë në Matiçan

Zyrtari i Gjykatës së Prishtinës në pranga – krijoi dosje fiktive dhe ia mundësoi një shtetasi serb në arrati t’ia tjetërsojë një banesë në Matiçan

Zyrtari i Gjykatës së Prishtinës në pranga – krijoi dosje fiktive dhe ia mundësoi një shtetasi serb në arrati t’ia tjetërsojë një banesë në Matiçan

Një aksion i përbashkët i Prokurorisë Themelore në Prishtinë dhe Drejtorisë për Hetimin e Krimeve Ekonomike dhe Korrupsionit (DHKEK) ka rezultuar me arrestimin e një zyrtari të lartë administrativ të Gjykatës Themelore në Prishtinë, i cili dyshohet për përfshirje në dallavere me prona, shkruan Gazeta Sinjali.

Sponsor 3M Express

Pas hetimeve disa mujore, me urdhër të Prokurorit të Shtetit, sot është ndaluar për 48 orë i dyshuari me inicialet A.B., i cili mbante pozitën e udhëheqësit të Zyrës për Menaxhimin e Lëndëve në Gjykatën Themelore të Prishtinës.

Sinjali mëson se i dyshuari ra në pranga nën dyshimet e bazuara se ka kryer veprën penale “Keqpërdorimi i pozitës apo autoritetit zyrtar”.

Sipas dosjes hetimore, A.B. dyshohet se duke shfrytëzuar pozitën e tij dhe me qëllim të përfitimit të kundërligjshëm pasuror për vete dhe të tjerët, ka sajuar një dosje fiktive. Ai dyshohet se ka vënë vulën e vërtetësisë mbi kopjen e një dokumenti të falsifikuar, të titulluar “Kontratë për shitblerje”.

Nga këto veprime të kundërligjshme, dyshohet se ka përfituar një shtetas i Serbisë me inicialet M.B., i cili aktualisht gjendet në arrati. Falë dokumentacionit të falsifikuar dhe të vulosur nga zyrtari i gjykatës, shtetasit serb i është mundësuar që në Zyrën Kadastrale në Prishtinë ta regjistrojë në emër të tij një pronë banesore me sipërfaqe prej 55.89 metra katrorë, e cila ndodhet në Zonën Kadastrale në Matiçan.

Ndaj të dyshuarit A.B., Prokurori i Shtetit pritet që brenda afatit ligjor të paraqesë kërkesën për caktimin e masës së paraburgimit pranë gjykatës kompetente.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Të gjithë personat e përmendur në këtë rast konsiderohen të pafajshëm derisa fajësia e tyre të vërtetohet me vendim përfundimtar të gjykatës.

Burimi: Sinjali

Lexo edhe

“Unë vetë kam me vra Albin Shpiunin”, Gjykata ia refuzon pranimin e fajësisë të akuzuarit për kanosjen e Kryeministrit Kurti

“Unë vetë kam me vra Albin Shpiunin”, Gjykata ia refuzon pranimin e fajësisë të akuzuarit për kanosjen e Kryeministrit Kurti

Dy gjigantët e La Ligës në garë për nënshkrimin e talentit të Interit

Dy gjigantët e La Ligës në garë për nënshkrimin e talentit të Interit

“I kom harxhu paret e babës, e s’po i harxhoj të ministrisë”- Thënia e famshme e Astrit Haraqisë, të arrestuarit për kokainë

“I kom harxhu paret e babës, e s’po i harxhoj të ministrisë”- Thënia e famshme e Astrit Haraqisë, të arrestuarit për kokainë

Zyrtari i Gjykatës së Prishtinës në pranga – krijoi dosje fiktive dhe ia mundësoi një shtetasi serb në arrati t’ia tjetërsojë një banesë në Matiçan | Momenti