Leeds e turpëron Chelsean në shtëpi të vet

Leeds e turpëron Chelsean në shtëpi të vet

Leeds e turpëron Chelsean në shtëpi të vet

Leeds United ka shkaktuar befasi të madhe në kuadër të Premierligës, duke e mposhtur Chelsean me rezultat të thellë dhe bindës 4-1 në udhëtim, pas një përmbysjeje spektakolare të rezultatit, shkruan Gazeta Sinjali.

Sponsor 3M Express

Kjo fitore merr vlerë edhe më të madhe historike, pasi ishte triumfi i parë i Leedsit si mysafir ndaj Chelseat që nga viti 1999. Po ashtu, ky sukses shënoi edhe fitoren e parë në karrierë për trajnerin Daniel Farke përballë homologut të tij te “Blutë”, Xabi Alonso.

Takimi nisi më mirë për vendasit, të cilët kaluan të parët në epërsi në minutën e 25-të me golin e shënuar nga Emmanuel Emegha. Megjithatë, gëzimi i londinezëve zgjati shumë pak, pasi nuk arritën ta administronin avantazhin.

Vetëm pak minuta më vonë, Noah Okafor riktheu baraspeshën duke shënuar për 1-1. Me fillimin e pjesës së dytë, mysafirët morën kontrollin e lojës dhe përmbysën gjithçka përmes Dominic Calvert-Lewin, i cili u tregua i saktë nga pika e bardhë e penalltisë.

Dominimi i Leedsit u konkretizua sërish në minutën e 64-t, kur Okafor gjeti rrugën e rrjetës për herë të dytë në këtë takim, duke e çuar epërsinë në 3-1. Ndërkaq, goditjen përfundimtare Chelseat ia dha Brenden Aaronson, i cili vulosi fitoren e madhe 4-1 me golin e katërt të realizuar në minutat shtesë.

Në anën tjetër, ky rezultat e zhyt edhe më shumë në krizë Chelsean, që regjistroi humbjen e katërt në pesë ndeshjet e fundit në të gjitha garat, duke vazhduar periudhën e vështirë nën drejtimin e Xabi Alonsos.

Pas kësaj xhiroje, Leeds United ngjitet në pozitën e gjashtë në tabelë me 17 pikë të grumbulluara, ndërsa Chelsea mbetet në vendin e tetë me 16 pikë.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

CFO Green në Rahovec shiste barna pa farmacist, pronari Nadir Çausholli gjobitet me 2 mijë euro

CFO Green në Rahovec shiste barna pa farmacist, pronari Nadir Çausholli gjobitet me 2 mijë euro

Trump bleu aksione në Nvidia pak para shpërthimit të skandalit të dyshuar për spiunazh

Trump bleu aksione në Nvidia pak para shpërthimit të skandalit të dyshuar për spiunazh

Ylli i PSG-së pëson lëndim të rëndë, largohet nga fusha duke bërtitur nga dhimbjet

Ylli i PSG-së pëson lëndim të rëndë, largohet nga fusha duke bërtitur nga dhimbjet