Lamine Yamal ka rezervuar një avion privat për të udhëtuar drejt Londrës, ku të hënën do të mbahet ceremonia e 70-të e ndarjes së çmimeve të “Topit të Artë”, e organizuar nga revista “France Football” në bashkëpunim me UEFA-n.
Sipas “Cadena COPE”, ylli i Barcelonës do të shoqërohet nga prindërit, partnerja e tij, Inés García, familjarë, miq dhe pjesëtarë të ekipit të tij të përfaqësimit.
18-vjeçari synon të fitojë për herë të tretë çmimin për talentin më të mirë të ri, por këtë herë shpreson të triumfojë edhe në garën për çmimin kryesor, që i dedikohet futbollistit më të mirë në botë.
Në ceremoninë e vitit të kaluar, Yamal organizoi një festë në Paris, por u largua para përfundimit të saj, pasi çmimin kryesor e fitoi Ousmane Dembélé.
Edhe këtë vit, Barcelona pritet të përfaqësohet nga një delegacion i gjerë, i kryesuar nga presidenti Joan Laporta. Në mesin e kandidatëve për çmimet individuale janë Pau Cubarsí dhe disa futbollistë të tjerë të klubit katalanas.
Në kategorinë e femrave, Alexia Putellas shihet si një nga favoritet për “Topin e Artë”, ndërsa Vicky López është ndër pretendentet kryesore për çmimin e talentit më të mirë të ri. Ndërkohë, Joan Garcia dhe Cata Coll synojnë të fitojnë çmimet për portierët më të mirë.
Vëmendja do të jetë te Yamal, i cili synon të kurorëzojë një tjetër vit të rëndësishëm në karrierën e tij me çmimin më prestigjioz individual në futboll.
Sinjali – aty ku e vërteta flet para lajmit!
Burimi: Sinjali
