Komisioni Qendror i Zgjedhjeve (KQZ) ka publikuar raportet e shpenzimeve për tremujorin korrik-shtator 2026, për subjektet politike të përfaqësuara në Kuvendin e Kosovës.
Sipas këtyre raporteve, Lëvizja Vetëvendosje (LVV) ka shpenzuar më së shumti gjatë kësaj periudhe, me gjithsej 269 mijë e 544 euro.
Në vendin e dytë renditet Partia Demokratike e Kosovës (PDK), e cila nga korriku deri në shtator ka raportuar shpenzime në vlerë prej 212 mijë e 394 eurosh.
Ndërkaq, Lidhja Demokratike e Kosovës (LDK) ka shpenzuar 163 mijë e 644 euro gjatë të njëjtit tremujor.
Aleanca, sipas të dhënave të publikuara, ka shpenzuar 2 mijë e 675 euro gjatë periudhës korrik-shtator.
Raportet janë publikuar nga KQZ-ja me qëllim të zbatimit të Ligjit për Financimin e Subjekteve Politike dhe përfshijnë shpenzimet e subjekteve politike që janë të përfaqësuara në Kuvendin e Republikës së Kosovës.
Dokumentet e plota të shpenzimeve për tremujorin korrik-shtator 2026 janë të qasshme në ueb-faqen zyrtare të Komisionit Qendror të Zgjedhjeve.
Sinjali – aty ku e vërteta flet para lajmit!
Burimi: Sinjali
