Kandiq propozon Kamberin për postin e nënkryetarit të Kuvendit të Serbisë

Kandiq propozon Kamberin për postin e nënkryetarit të Kuvendit të Serbisë

Kandiq propozon Kamberin për postin e nënkryetarit të Kuvendit të Serbisë

Aktivistja e njohur serbe për të drejtat e njeriut, Natasa Kandiq, ka vlerësuar deputetin shqiptar Shaip Kamberi, duke e cilësuar atë si personin e duhur për postin e nënkryetarit të Kuvendit të Serbisë.

Sponsor 3M Express

Në një reagim në rrjetin social X, Kandiq ka shkruar se Kamberi është deputeti i duhur për këtë pozitë, ndonëse ka theksuar se nuk ka votuar për të.

“Shaip Kamberi është deputeti i duhur për postin e nënkryetarit të Kuvendit të Serbisë, pavarësisht se nuk kam votuar për të”, ka shkruar ajo.

Kamberi është politikan shqiptar nga Tërnoci i Madh i Bujanocit dhe kryetar i Partisë për Veprim Demokratik (PVD). Ai përfaqëson shqiptarët e Luginës së Preshevës, që përfshin komunat e Preshevës, Bujanocit dhe Medvegjës në Serbi.

Kamberi ka qenë kryetar i Komunës së Bujanocit dhe prej vitesh është pjesë e Kuvendit të Serbisë, ku ka ngritur vazhdimisht çështjet që lidhen me të drejtat e shqiptarëve, përfaqësimin e tyre në institucionet shtetërore, përdorimin e gjuhës shqipe dhe zhvillimin ekonomik të Luginës së Preshevës.

Në zgjedhjet parlamentare të tetorit 2026, ai ishte bartës i listës “Koalicioni Shqiptar”, ndërsa mandati i tij i deputetit u konfirmua më 17 nëntor 2026.

Kamberi ka qenë një nga zërat më të artikuluar të përfaqësimit politik të shqiptarëve në Kuvendin e Serbisë, duke kërkuar zbatimin e të drejtave të garantuara për pakicat kombëtare dhe trajtim të barabartë institucional. /Telegrafi/

Lexo edhe

Ekskluzive | Sulmuan policët që po festonin ditëlindjen në lokalin “Sindikat” në veri, njërit ia thyen hundën – katër të dyshuarit përfundojnë në paraburgim

Ekskluzive | Sulmuan policët që po festonin ditëlindjen në lokalin “Sindikat” në veri, njërit ia thyen hundën – katër të dyshuarit përfundojnë në paraburgim

Prindërit po u këndojnë gjithnjë e më rrallë ninulla fëmijëve: Pse ekspertët shqetësohen?

Prindërit po u këndojnë gjithnjë e më rrallë ninulla fëmijëve: Pse ekspertët shqetësohen?

Komandanti i KFOR-it i informon vendet e DECI-t për situatën e sigurisë në Kosovë

Komandanti i KFOR-it i informon vendet e DECI-t për situatën e sigurisë në Kosovë