Harry Kane operohet, pritet të mungojë për disa muaj

Harry Kane operohet, pritet të mungojë për disa muaj

Harry Kane operohet, pritet të mungojë për disa muaj

Sulmuesi anglez Harry Kane ka kryer me sukses një ndërhyrje kirurgjikale pas lëndimit të rëndë në nyjën e këmbës së majtë, ndërsa pritet të qëndrojë jashtë fushave për disa muaj.

Sponsor 3M Express

Kane u lëndua të premten në ndeshjen ndaj Kolnit, e cila përfundoi me rezultat 1:1. Ai u detyrua të largohej nga fusha pas vetëm 20 minutash lojë, ndërsa ekzaminimet mjekësore konfirmuan një këputje të ligamentit sindesmotik në kyçin e këmbës së majtë.

Bayern Munich njoftoi se operacioni ka përfunduar me sukses dhe se futbollisti tashmë do të nisë fazën e rehabilitimit. Sipas raportimeve, rikuperimi mund të zgjasë rreth tre muaj.

Pas ndërhyrjes kirurgjikale, 33-vjeçari reagoi edhe përmes një postimi në Instagram, ku shprehu zhgënjimin për lëndimin, por u zotua se do të rikthehet më i fortë.

“Ngjitjet dhe zbritjet e jetës! Natyrisht, jam shumë i zhgënjyer për këtë lëndim, por si gjithmonë, kjo është një mundësi për të treguar qëndrueshmëri dhe për t’u përmirësuar drejt vitit 2027. Do të rikthehem i freskët dhe i gatshëm për pjesën vendimtare të sezonit”, shkroi Kane.

Mungesa e tij përbën një goditje të madhe për Bayernin, që do të duhet të vazhdojë pa njërin prej futbollistëve më të rëndësishëm të skuadrës gjatë muajve të ardhshëm.

Burimi: Insajderi

Lexo edhe

Ishte nën hetime për devijimin e hetimeve për vrasjen e gjyqtarit Paolo Borsellino, vdes ish-kreu i Policisë italiane

Ishte nën hetime për devijimin e hetimeve për vrasjen e gjyqtarit Paolo Borsellino, vdes ish-kreu i Policisë italiane

“Dhuro Made in Kosova”, produktet vendore do të promovohen falas në tri platforma online deri në fillim të vitit 2027

“Dhuro Made in Kosova”, produktet vendore do të promovohen falas në tri platforma online deri në fillim të vitit 2027

“Thellësisht zhgënjyes”, Franca kritikon ashpër propozimin e ri për buxhetin afatgjatë të BE-së

“Thellësisht zhgënjyes”, Franca kritikon ashpër propozimin e ri për buxhetin afatgjatë të BE-së