Greqia dhe Egjipti po diskutojnë mundësinë e zgjerimit të Zonës së tyre Ekskluzive Ekonomike drejt lindjes, në drejtim të Qipros, pas ratifikimit nga parlamenti i Libisë lindore të një marrëveshjeje detare të kontestuar me Turqinë, raporton Reuters.
Ministri i Jashtëm grek, George Gerapetritis, ka deklaruar se çdo zgjerim i marrëveshjes mes Greqisë dhe Egjiptit do të ishte në përputhje me të drejtën ndërkombëtare dhe Konventën e Kombeve të Bashkuara për të Drejtën e Detit (UNCLOS).
Ndërkohë, Gerapetritis dhe homologu i tij egjiptian, Badr Abdelatty, kanë riafirmuar kundërshtimin e tyre ndaj memorandumit detar të vitit 2019 mes Turqisë dhe Libisë, duke theksuar përkushtimin ndaj së drejtës ndërkombëtare.
Greqia dhe Egjipti nënshkruan një marrëveshje në vitin 2020 për përcaktimin e Zonës së tyre Ekskluzive Ekonomike në Mesdheun lindor.
Sinjali – aty ku e vërteta flet para lajmit!
Burimi: Sinjali
