Goditje e madhe për Irlandën para ndeshjes me Kosovën, kapiteni humb përballjen vendimtare

Goditje e madhe për Irlandën para ndeshjes me Kosovën, kapiteni humb përballjen vendimtare

Goditje e madhe për Irlandën para ndeshjes me Kosovën, kapiteni humb përballjen vendimtare

Përfaqësuesja e Irlandës ka marrë një goditje të rëndësishme në prag të ndeshjes vendimtare ndaj Kosovës në Ligën e Kombeve.

Kapiteni i irlandezëve, Nathan Collins, nuk do të jetë në dispozicion të përzgjedhësit Heimir Hallgrimsson për takimin e së martës, që zhvillohet në Dublin nga ora 20:45.

Sponsor 3M Express

Mbrojtësi i Brentfordit pësoi një lëndim në gju gjatë humbjes 1:0 ndaj Austrisë, të shtunën, duke e bërë të pamundur paraqitjen e tij kundër Dardanëve.

Pas ekzaminimeve mjekësore, Collins është liruar nga grumbullimi i përfaqësueses irlandeze dhe është rikthyer te klubi i tij për trajtim dhe rikuperim.

Për ta mbuluar mungesën e kapitenit, përzgjedhësi Hallgrimsson ka vendosur të ftojë mbrojtësin Jimmy Dunne, i cili do t’i bashkohet skuadrës për përballjen me Kosovën.

Mungesa e Collinsit konsiderohet një humbje e rëndësishme për irlandezët, duke pasur parasysh rolin e tij në repartin defensiv dhe përvojën që sjell në skuadër.

Në anën tjetër, Kosova synon të shfrytëzojë këtë përballje për ta mbyllur sa më mirë edicionin e Ligës së Kombeve.

Dardanët kishin fituar ndeshjen e parë ndaj Irlandës me rezultat 1:0 dhe do të kërkojnë një tjetër rezultat pozitiv në Dublin.

Takimi i së martës pritet të jetë vendimtar për renditjen përfundimtare në grup, me të dyja përfaqësueset që synojnë pozitën e dytë.

Burimi: Dukagjini

Lexo edhe

KE: Kënga nacionaliste serbe nuk pasqyron qëndrimin tonë për Kosovën

KE: Kënga nacionaliste serbe nuk pasqyron qëndrimin tonë për Kosovën

19 të dënuar certifikohen në Smrekonicë, përfundojnë trajnimet në IT dhe automekanikë

19 të dënuar certifikohen në Smrekonicë, përfundojnë trajnimet në IT dhe automekanikë

Pse Kosova nuk arriti ta mposhtë Izraelin? Flasin Gjonbalaj dhe Zogiani

Pse Kosova nuk arriti ta mposhtë Izraelin? Flasin Gjonbalaj dhe Zogiani