Një grua, ndaj së cilës ishte lëshuar urdhërarrest nga Gjykata Themelore në Prishtinë, Dega në Fushë Kosovë, ka përfunduar në duart e Policisë, pasi kërkohej në lidhje me veprën penale “Vjedhja”, mëson Gazeta Sinjali.

Burimet e Sinjalit bëjnë të ditur se bëhet fjalë për Anita Alian, rreth 27 vjeçe.
Ajo është arrestuar të mërkurën, më 18 nëntor, rreth orës 06:00, nga zyrtarët policorë të Stacionit Policor Qendra në Prishtinë.
Sipas informacioneve të siguruara, ndaj saj ekzistonte një urdhërarrest aktiv i lëshuar nga Gjykata Themelore në Prishtinë, Dega në Fushë Kosovë, për veprën penale “Vjedhja”.
Pas arrestimit, në zbatimin e urdhëresës janë përfshirë njësia për realizimin e urdhëresave dhe njësia patrulluese.
Me urdhër të gjyqtares kompetente, Alia është dërguar në ndalim për 48 orë.
Nga informacionet e deritanishme nuk bëhen të ditura rrethanat e vjedhjes për të cilën është lëshuar urdhërarresti.
Shënim: Personat e përmendur në këtë lajm konsiderohen të pafajshëm derisa fajësia e tyre të vërtetohet me vendim të formës së prerë të gjykatës.
Sinjali – aty ku e vërteta flet para lajmit!
Burimi: Sinjali





