Chelsea pëson humbje të rëndë nga Leeds United

Chelsea pëson humbje të rëndë nga Leeds United

Chelsea pëson humbje të rëndë nga Leeds United

Chelsea ka pësuar një humbje të rëndë në shtëpi nga Leeds United, duke u mposhtur me rezultat 4-1 në kuadër të javës së 11-të të Ligës Premier.

Sponsor 3M Express

Skuadra e drejtuar nga Xabi Alonso nuk arriti të përballonte rikthimin e fuqishëm të mysafirëve, të cilët pas disavantazhit fillestar realizuan tri gola për të marrë një fitore të rëndësishme.

Chelsea kaloi në epërsi në minutën e 25-të, kur Emmanuel Emegha përfitoi nga një pasim që çau mbrojtjen kundërshtare dhe me një goditje të saktë dërgoi topin në rrjetë për 1-0.

Megjithatë, Leeds reagoi shpejt dhe në minutën e 28-të arriti ta barazonte rezultatin. Dominic Calvert-Lewin asistoi për Noah Okaforin, i cili nga afërsia realizoi për 1-1.

Mysafirët vazhduan të rrezikonin dhe në minutën e 37-të Calvert-Lewin pati një mundësi të mirë, por goditja e tij përfundoi jashtë portës. Pak para përfundimit të pjesës së parë, Tarik Muharemovic shënoi, por goli u anulua për pozitë jashtë loje.

Pjesa e dytë nisi me një tjetër moment vendimtar për Leedsin. Pas një ndërhyrjeje në zonë, gjyqtari akordoi penallti në minutën e 50-të, vendim që u konfirmua edhe pas rishikimit me VAR.

Përgjegjësinë e mori Calvert-Lewin, i cili në minutën e 53-të u tregua i saktë nga pika e bardhë për ta përmbysur rezultatin në 2-1.

Vetëm gjashtë minuta më vonë, Leeds realizoi edhe golin e tretë. Noah Okafor pranoi një pasim dhe me një goditje të fuqishme dërgoi topin në pjesën e sipërme të portës, duke e çuar rezultatin në 3-1.

Për rezultatin përfundimtar të ndeshjes u përkujdes amerikani Brenden Aaronson i cili në minutën e 91-të realizoi për epilogun e ndeshjes 4-1.

Kjo humbje është një goditje për Chelsean, që pas javës së 11-të zbret në pozitën e tetë në tabelën e Ligës Premier, me vetëm 16 pikë./Telegrafi/

Standings provided by Sofascore

Lexo edhe

Lushtaku për Jakup Krasniqin: Baci është më i fortë se guri, hero i gjallë

Lushtaku për Jakup Krasniqin: Baci është më i fortë se guri, hero i gjallë

Familja e Jakup Krasniqit falënderon për solidaritetin: Mbështetja na dha forcë

Familja e Jakup Krasniqit falënderon për solidaritetin: Mbështetja na dha forcë

Netanyahu kërkon pushtetin e plotë, Ben Gvirin dhe të majtën në të njëjtën qeveri

Netanyahu kërkon pushtetin e plotë, Ben Gvirin dhe të majtën në të njëjtën qeveri