Sipërmarrësi serb Davor Macura, pronar i Alta Bankës dhe biznesmen i afërt me Partinë Progresive Serbe (SNS), është arrestuar të hënën në mëngjes.
Arrestimit të tij i ka paraprirë një kontroll i gjerë policor në ambientet e bankës “Alta”, i cili ka zgjatur më shumë se 30 orë.
Të shtunën, Banka Kombëtare e Serbisë (NBS) ia ka revokuar licencën Alta Bankës për të ushtruar veprimtari, pas së cilës kanë nisur procedurat e falimentimit ndaj saj.
Vendimi është marrë vetëm pak ditë pas zgjedhjeve parlamentare të 25 tetorit, në të cilat SNS-ja humbi pushtetin pas 14 vjetësh.
Sipas informacioneve të mëparshme jozyrtare, pas zgjedhjeve, Alta Banka dyshohet se është përpjekur të transferojë dhjetëra miliona euro nga Serbia jashtë vendit, përfshirë në Rusi dhe Maqedoninë e Veriut.
Sinjali – aty ku e vërteta flet para lajmit!
Burimi: Sinjali
