Arlinda Morina ka folur gjatë Prime-it të së hënës në Big Brother VIP Kosova për zhvillimet e fundit që lidhen me karrierën e saj profesionale, pas polemikave që shpërthyen rreth një projekti filmik ku ishte përfshirë edhe Alba Pollozhani.
Para disa ditësh, Arlinda kishte treguar se planifikonte të realizonte një film së bashku me disa emra të njohur të Big Brotherit, përfshirë Albën.
Kjo e fundit, e cila ndodhet jashtë shtëpisë, ka reaguar për këtë çështje përmes rrjeteve sociale, duke lënë të kuptohet se ka fakte për të mbështetur deklaratat e saj publike.
– YouTube www.youtube.com
Ndërkohë, gjatë spektaklit të së hënës, moderatorja Jonida Vokshi e pyeti Arlindën se çfarë e prek më së shumti në profesionin e saj, veçanërisht pas ngjarjeve të fundit.
Në përgjigjen e saj, Arlinda u shpreh se askush nuk mund t’ia dëmtojë karrierën brenda tre sekondash, pasi ajo ka mbi 15 vjet përvojë profesionale.
Ajo theksoi gjithashtu se askush nuk mund t’ia marrë inteligjencën.
Banorja bëri të ditur se për padrejtësitë që pretendon se i janë bërë në aspektin profesional, ka vendosur të ndjekë rrugën ligjore.
– YouTube www.youtube.com
Regjisorja përmendi se Alba është planifikuar të jetë vetëm tre sekonda në klip, ndonëse ka persona të tjerë që e kanë mashtruar. /Telegrafi/
