Aktgjykimi për pengim të drejtësisë në Hagë – 17 muaj burgim për Thaçin, nga 12 për Smakajn e Fazliun, një muaj me kusht për Kuçin, Kilaj i pafajshëm

Aktgjykimi për pengim të drejtësisë në Hagë – 17 muaj burgim për Thaçin, nga 12 për Smakajn e Fazliun, një muaj me kusht për Kuçin, Kilaj i pafajshëm

Aktgjykimi për pengim të drejtësisë në Hagë – 17 muaj burgim për Thaçin, nga 12 për Smakajn e Fazliun, një muaj me kusht për Kuçin, Kilaj i pafajshëm

Dhomat e Specializuara të Kosovës kanë dënuar ish-presidentin Hashim Thaçi me 17 muaj burgim në çështjen për pengim të drejtësisë. Bashkim Smakaj dhe Fadil Fazliu u dënuan me nga 12 muaj burgim, Hajredin Kuçi me një muaj burgim me kusht, ndërsa Isni Kilaj u shpall i pafajshëm për të gjitha akuzat.

Sponsor 3M Express

Sipas njoftimit të Speciales për aktgjykimin e shpallur më 17 nëntor, Thaçi u shpall fajtor për tentativë për pengim të personave zyrtarë në kryerjen e detyrave zyrtare, shkelje të fshehtësisë së procedurës dhe mosbindje ndaj gjykatës. Dënimi prej 17 muajsh do të vuhet veçmas nga dënimi në çështjen për krime lufte.

Smakaj dhe Fazliu u shpallën fajtorë për tentativë për pengim të personave zyrtarë dhe ndihmë në mosbindje ndaj gjykatës. Gjykatësi ua llogariti kohën e kaluar në paraburgim, i konsideroi dënimet të shlyera dhe urdhëroi lirimin e tyre.

Kuçi u shpall fajtor për mosbindje ndaj gjykatës. Dënimi prej një muaji burgim nuk do të ekzekutohet nëse ai nuk kryen vepër tjetër penale gjatë periudhës së verifikimit prej një viti.

Çfarë konstatoi gjykata për kontaktet me dëshmitarët?

Gjykatësi konstatoi se gjatë vizitave në paraburgim në vitin 2023, Thaçi u dha vizitorëve informacione konfidenciale për dëshmitarë dhe udhëzime për mënyrën se si disa prej tyre duhej të dëshmonin në procesin për krime lufte.

Sipas gjykatës, më 2 korrik 2023, Thaçi i dha Fazliut udhëzime për dëshminë e Rrustem Mustafës. Fazliu u takua me Mustafën të nesërmen dhe ia përcolli udhëzimet, përfshirë atë që, nëse pyetej nga Prokuroria, të mohonte se kishte marrë komunikime nga Thaçi.

Në rastin e Smakajt, gjykatësi konstatoi se Thaçi i dha udhëzime me shkrim për dëshminë e Bislim Zyrapit gjatë një vizite më 7 tetor 2023. Udhëzimet u sekuestruan më vonë në banesën e Smakajt. Sipas gjykatës, provat digjitale vërtetuan se Smakaj u takua me Zyrapin pas vizitës, ndërsa gjykatësi arriti në përfundimin se në atë takim ishin diskutuar udhëzimet.

Për Kilajn, gjykatësi konstatoi se Thaçi i kishte dhënë udhëzime dhe kopje të deklaratave të mëparshme të një dëshmitari të mbrojtur. Provat nuk vërtetuan se Kilaj kishte ndërmarrë hapa për t’ia përcjellë udhëzimet dëshmitarit ose se një person i tretë kishte marrë pjesë në veprimin e përbashkët të pretenduar. Gjykatësi gjithashtu nuk konstatoi se Kilaj kishte ndihmuar në zbulimin e informacionit konfidencial.

Sa i përket Kuçit, gjykatësi konstatoi se ai i kishte dërguar një mesazh Rrustem Mustafës, duke shkelur urdhrin që ndalonte kontaktet me dëshmitarët. Për pretendimin se Kuçi dhe Thaçi ishin marrë vesh për të kontaktuar tre dëshmitarë lidhur me dëshmitë e tyre, të dy u shpallën të pafajshëm.

Sipas njoftimit për shpalljen e vendimit, versioni publik i redaktuar i aktgjykimit do të publikohet më vonë.

Burimi: Sinjali

Lexo edhe

OVL-UÇK reagon pas vendimit të Speciales ndaj Thaçit dhe të tjerëve

OVL-UÇK reagon pas vendimit të Speciales ndaj Thaçit dhe të tjerëve

Gjiganti turk synon transferimin e Sadio Manes

Gjiganti turk synon transferimin e Sadio Manes

Deputetes së ardhshme të partisë së Vuçiqit i hidhet kos para Kuvendit

Deputetes së ardhshme të partisë së Vuçiqit i hidhet kos para Kuvendit