Aktgjykimi ndaj Thaçit dhe të tjerëve, reagon presidentja

Aktgjykimi ndaj Thaçit dhe të tjerëve, reagon presidentja

Aktgjykimi ndaj Thaçit dhe të tjerëve, reagon presidentja

Presidentja e Kosovës, Justina Shiroka Pula, ka reaguar pas aktgjykimit të sotëm të Dhomave të Specializuara në Hagë ndaj Hashim Thaçit dhe të tjerëve, lidhur me akuzat për pengim të administrimit të drejtësisë.

Sponsor 3M Express

Përmes një komunikate për media, presidentja ka shprehur shqetësim lidhur me respektimin e të drejtave të palëve në këtë proces gjyqësor, shkruan Insajderi.

Ajo ka thënë se të gjitha institucionet e Republikës së Kosovës, përfshirë edhe Dhomat e Specializuara, duhet të veprojnë brenda juridiksionit të përcaktuar me Kushtetutë dhe të respektojnë të drejtat e garantuara me Kapitullin II të saj, si dhe standardet ndërkombëtare për të drejtat e njeriut.

“Çdo proces gjyqësor duhet të zhvillohet në përputhje të plotë me standardet ndërkombëtare të gjykimit të drejtë, duke garantuar të drejtat e të akuzuarve dhe respektimin e procedurave ligjore”, thuhet në reagimin e presidentes.

Shiroka Pula ka thënë se aktgjykimi i sotëm ngre shqetësime sa i përket respektimit të të drejtave të palëve, ndërsa ka kërkuar që edhe procedurat e ankimit të zhvillohen në përputhje me standardet ndërkombëtare të gjykimit të drejtë.

Në reagimin e saj, presidentja është ndalur edhe te kontributi i Ushtrisë Çlirimtare të Kosovës në luftën për liri dhe pavarësi.

Ajo ka thënë se ky kontribut, bashkë me sakrificën e popullit të Kosovës, është pjesë e historisë së vendit dhe nuk mund të vihet në pikëpyetje nga proceset gjyqësore. /Insajderi.org/

Burimi: Insajderi

Lexo edhe

Kosova publikon formacionin zyrtar ndaj Irlandës, Foda vjen me disa ndryshime

Kosova publikon formacionin zyrtar ndaj Irlandës, Foda vjen me disa ndryshime

Trump: Irani do të paguajë çmim të paparë nëse sulmon Uashingtonin me “bombë të pistë”

Trump: Irani do të paguajë çmim të paparë nëse sulmon Uashingtonin me “bombë të pistë”

Pesë të arrestuar nga Shkupi e Kumanova, dyshohen se planifikuan vrasjen e një izraeliti në Greqi me urdhër nga Irani

Pesë të arrestuar nga Shkupi e Kumanova, dyshohen se planifikuan vrasjen e një izraeliti në Greqi me urdhër nga Irani