Haxhiu në Bruksel, i kërkon PE-së angazhim për shqyrtimin e kërkesës së Kosovës për anëtarësim në BE

Haxhiu në Bruksel, i kërkon PE-së angazhim për shqyrtimin e kërkesës së Kosovës për anëtarësim në BE

Haxhiu në Bruksel, i kërkon PE-së angazhim për shqyrtimin e kërkesës së Kosovës për anëtarësim në BE

Kryetarja e Kuvendit, Albulena Haxhiu ka kërkuar nga Parlamenti Evropian që të shqyrtohet kërkesa e Kosovës për anëtarësim në Bashkimin Evropian.

Sponsor 3M Express

Gjatë qëndrimit në Bruksel, ku ajo po merr pjesë në Konferencën Botërore për e-Parlamentin, Haxhiu ka takuar presidenten e Parlamentit Evropian, Roberta Metsola.

Ajo thotë se ka vlerësuar angazhimin e Metsolës që zgjerimi i BE-së të mbetet në qendër të agjendës politike evropiane.

“Në dhjetor mbushen katër vjet që kur Kosova dorëzoi kërkesën për anëtarësim në Bashkimin Evropian. Vendi ynë është plotësisht i përafruar me politikën e jashtme dhe të sigurisë së BE-së, ndërsa qytetarët tanë janë ndër mbështetësit më të mëdhenj të anëtarësimit në gjithë rajonin. Ata meritojnë të shohin përparim konkret në rrugën drejt BE-së. Prandaj, i kërkova Presidentes Metsola të angazhohet që Këshilli i BE-së ta ftojë Komisionin Evropian të japë mendimin për kërkesën e Kosovës, siç ka kërkuar edhe vetë Parlamenti Evropian.”, ka shkruar Haxhiu,

Ajo ka thënë se Kuvendi i Kosovës, po u jep përparësi ligjeve që lidhen me reformat evropiane.

“Biseduam edhe për forcimin e bashkëpunimit me Parlamentin Evropian përmes Komisionit Parlamentar të Stabilizim-Asociimit dhe shkëmbimeve të drejtpërdrejta ndërmjet deputetëve dhe administratave të dy parlamenteve. Kërkova gjithashtu mbështetjen e saj për anëtarësimin e Kuvendit të Kosovës në Unionin Ndërparlamentar (IPU), që është edhe bashkorganizator i kësaj konference. Presidentja Metsola u zotua se do të ndihmojë në këtë drejtim. Në fund, e ftova për një vizitë zyrtare në Republikën e Kosovës.”, ka thënë kryeparlamentarja. /Klankosova.tv

Lexo edhe

Apple përballet me ndërprerje të gjerë, probleme me App Store, Apple Music dhe iCloud

Apple përballet me ndërprerje të gjerë, probleme me App Store, Apple Music dhe iCloud

Pitja me mish që del gjithmonë e shijshme: Tre përbërës që ia përmirësojnë shijen dhe butësinë

Pitja me mish që del gjithmonë e shijshme: Tre përbërës që ia përmirësojnë shijen dhe butësinë

Publikohet formacioni zyrtar i ‘Dardanëve’, ndryshime në disa reparte

Publikohet formacioni zyrtar i ‘Dardanëve’, ndryshime në disa reparte