Prokuroria Themelore në Pejë, Departamenti i Përgjithshëm, njofton se ka ngritur aktakuzë ndaj të pandehurës me inicialet Gj.M , për shkak të dyshimit të bazuar mirë se në vazhdimësi ka kryer veprën penale “Mashtrimi”, sipas kodit penal të Republikës së Kosovës.
Gj.M., gjatë viteve 2022–2024, duke u prezantuar rrejshëm si përfaqësuese e një OJQ-je, mashtroi një numër të madh qytetarësh.
Ajo u premtonte atyre krerë gjedhësh, sera bujqësore dhe termine për viza në këmbim të pagesave, duke përfituar kështu në mënyrë të kundërligjshme shumën prej 11,650 eurosh. Prokuroria i ka propozuar gjykatës që ta shpallë atë fajtore dhe ta dënojë sipas ligjit.
