Tre persona nga Kosova kanë humbur jetën tragjikisht në një aksident trafiku të ndodhur në Gjermani të enjten në mëngjes, teksa po ktheheshin nga Kosova drejt vendit ku jetonin.
Familjari i viktimave, Ramiz Aliu, tha se lajmin e kuptuan përmes një telefonate nga autoritetet gjermane, të cilët kontaktuan djalin e tij i cili po ashtu jeton në Gjermani.
“E kam pasë djalin këtu se edhe ai është në Gjermani, tani policia atje e kanë thirrë djalin këtu në bazë të numrit të telefonit, tani u mor vesh… Më rëndë s’ka, tre anëtarë prej një familje… Vëllai 63-vjeç, djali i vëllait 34-vjeç dhe nipi im është 16 vjeç…”, tha ai.
Komunikimin e fundit me ta, Ramizi thotë se e pati fiks në orën 6:15 të mëngjesit derisa veç pak minuta më vonë pohon se ndodhi tragjedia.
