Policia e Kosovës ka arrestuar një person të dyshuar për veprat penale “mbajtja në pronësi, kontroll ose posedim i paautorizuar i armës” dhe “përdorimi i armës apo mjetit të rrezikshëm”.
Sipas Policisë, rasti ka ndodhur më 17 gusht në fshatin Gllogjan të Deçanit, ku i dyshuari dyshohet se kishte shtënë me armë zjarri në ajër.
Pas sigurimit të informacioneve dhe video-incizimeve nga hetuesit e Stacionit Policor në Deçan, i dyshuari është identifikuar më 21 shtator.
“Policia në koordinim me organet kompetente, ka kontaktuar me personin e dyshuar dhe nga i njëjti janë sekuestruar një pushkë dhe një karikator i së njëjtës armë”, thuhet në njoftimin e Policisë.
Pas intervistimit nga hetuesit, me urdhër të prokurorit të shtetit, i dyshuari është liruar në procedurë të rregullt./Telegrafi/
