Organizata e Veteranëve të Luftës së UÇK-së (OVL-UÇK), ka paralajmëruar protesta, duke mos përjashtuar edhe mundësinë e përshkallëzimit të tyre, pasi Gjykata Speciale e shtyu për 16 shtator shpalljen e aktgjykimit në rastin ndaj ish-krerëve të UÇK-së.
Në reagimin e saj, OVL-UÇK e cilësoi këtë shtyrje si të padrejtë dhe të papranueshme, duke thënë se procesi gjyqësor është në shërbim të politikës së Serbisë dhe se po synon të gjykojë luftën çlirimtare, ndërsa, sipas saj, po anashkalohet përgjegjësia e shtetit serb për krimet e luftës.
Kjo oraganizatë ka theksuar se rezistenca e tyre do të vazhdojë në rrugë përmes protestave dhe paralajmëruan se nuk e përjashtojnë mundësinë e përshkallëzimit të tyre nëse kërkesat e tyre vazhdojnë të injorohen.
