Kryetari i PSD-së, Dardan Molliqaj komentoi zhvillimet e fundit politike dhe ndërprerjen e sotme të seancës konstituive të Kuvendit të Kosovës pasi partia më e madhe në parlament, Lëvizja Vetëvendosje nuk propozoi emër për kryekuvendar.
Molliqaj e cilësoi kryeministrin në detyrë, Albin Kurti si autoritar.
Autoritarët luftohen, autoritarët largohen. Nuk ka autoritarë në botë që është normalizuar… Çështja është kështu. Nëse ne i përgjigjemi në vazhdimësi agjendës që e krijon kryeministri Kurti, ai ka me fitu. Se vazhdimisht ai po na ngre në betejat e veta. Ne po mendojmë që ja kemi gjetur përgjigjen. Ai po del në fushën numër dy… Tash ai po thotë presidenti duhet jo partiak sepse opozita u ngut dhe tha Albini po don presidentin e vetë partiak. Tash ky po thotë a po thoni kështu, sot ju tha a më keni thënë ju që unë është gabim që i kam krijuar Kuvendin dhe Qeverinë pa u zgjedhur presidenti? A keni lypë ju që në pako me u bë tash tha po ua bëjmë në pako. Ky s’po e bën për ta, ama argumentet janë kanë qenë naive. Neve nuk na intereson asgjë si opozitë përveç demokracia dhe largimi i Kurtit”, tha fillimisht Molliqaj.
Tutje, ai paralajmëroi protesta dhe aksione për të shfaqur pakënaqësinë qytetare rreth situatave të krijuara tash e dy vite në skenën politike të vendit.
“Po. Duhet me organizuar dhe aksione dhe protesta, të dyjat…Rrugë, s’ka rrugë tjetër se rruga tjetër është rruga e agjendës së Kurtit. Ky ka me krijuar kuvendin, ky ka me zgjedhur qeverinë”, tha ai mes tjerash. /Klankosova
The post Molliqaj paralajmëron protesta: Autoritarët luftohen, autoritarët largohen appeared first on Gazeta Express.
