Të dhënat tregojnë se netët tropikale në shtator vazhdojnë të jenë të pazakonta. Që nga fillimi i matjeve në Locarno-Monti në vitin 1935, janë regjistruar vetëm nëntë net tropikale gjatë muajit shtator.
Qyteti i Locarnos, në kantonin Ticino, ka regjistruar tri net tropikale radhazi në muajin shtator, një fenomen që meteorologët e konsiderojnë ende të rrallë për këtë periudhë të vitit.
Sipas të dhënave të MeteoSwiss, në stacionin matës Locarno-Monti temperatura minimale ishte 20.7 gradë Celsius të shtunën në mëngjes, 21.2 gradë të dielën dhe 20.9 gradë të hënën. Një natë cilësohet tropikale kur temperatura nuk zbret nën 20 gradë Celsius.
Të dhënat tregojnë se netët tropikale në shtator vazhdojnë të jenë të pazakonta. Që nga fillimi i matjeve në Locarno-Monti në vitin 1935, janë regjistruar vetëm nëntë net tropikale gjatë muajit shtator, shkruan swissinfo.ch, transmeton albinfo.ch.
Megjithatë, vera e këtij viti ka qenë veçanërisht e nxehtë në jug të Zvicrës. Në Locarno, temperatura nuk ka zbritur nën 20 gradë gjatë 57 netëve, ndërsa në Lugano janë regjistruar 54 net të tilla.
Edhe Lugano ka regjistruar dy net tropikale në fillim të shtatorit. Që nga fillimi i matjeve atje në vitin 1864, qyteti ka regjistruar gjithsej vetëm 11 net tropikale gjatë shtatorit.
Meteorologu Guido Della Bruna nga MeteoSwiss e ka cilësuar një natë tropikale në shtator si një fenomen që mbetet relativisht i rrallë. Zvicra pritet të vazhdojë të jetë nën ndikimin e presionit të lartë atmosferik, megjithëse në jug të Alpeve priten edhe reshje.
The post Locarno shënon tri net tropikale radhazi në shtator, fenomen i rrallë për Zvicrën appeared first on Gazeta Express.
