Lamine Yamal është shumë pranë vendosjes së një rekordi të veçantë në Ligën e Kampionëve, duke synuar ta lërë pas Kylian Mbappen në një statistikë historike.
Sipas gazetës madrilene “Marca”, ylli i Barcelonës synon të bëhet golashënuesi më i mirë në historinë e Champions League për lojtarët nën moshën 20-vjeçare, përcjell “Gazeta Express”.
Aktualisht, Yamal dhe Mbappe kanë nga 13 gola të shënuar në këtë garë para se të mbushin 20 vjet.
Spanjolli barazoi rekordin e francezit me golin e realizuar ndaj Paris Saint-Germain javën e kaluar.
Tashmë, Yamal ka mundësinë ta kalojë rivalin e tij në përballjen ndaj Aston Villas.
Ai do të mbetet nën moshën 20-vjeçare deri më 17 korrik 2027, çka i jep kohë për ta përmirësuar edhe më shumë këtë statistikë.
Pas tyre renditet Erling Haaland me 10 gola, ndërsa Jude Bellingham, Patrick Kluivert, Karim Benzema dhe Raúl González kanë nga gjashtë.
Burimi: Insajderi
