Tetë gola dhe dramë deri në fund, Atalanta ndal Interin

Tetë gola dhe dramë deri në fund, Atalanta ndal Interin

Tetë gola dhe dramë deri në fund, Atalanta ndal Interin

Interi ishte tri herë në epërsi prej dy golash, por Atalanta tregoi karakter të jashtëzakonshëm, duke u rikthyer në lojë dhe duke shmangur humbjen në minutat e fundit.

Protagonisti kryesor te skuadra zikaltër ishte Francesco Pio Esposito, i cili realizoi tri gola dhe regjistroi hat-trickun e parë me fanellën e Interit.

Sponsor 3M Express

Sulmuesi kaloi mysafirët në epërsi në minutën e 16-të, ndërsa para përfundimit të pjesës së parë shënoi edhe golin e dytë, duke përfituar nga një goditje nga këndi.

Megjithatë, Atalanta reagoi shpejt dhe arriti ta ngushtonte rezultatin përmes Eljif Elmasit.

Në pjesën e dytë, Esposito kompletoi hat-trickun, duke e çuar rezultatin në 1:3, por vendasit nuk u dorëzuan. Charles De Ketelaere shënoi dy herë, duke e rikthyer Atalantën në lojë.

Ndërkohë, Petar Sucic realizoi nga pika e bardhë për Interin, pasi Marcus Thuram fitoi penallti, duke e çuar rezultatin në 2:4.

Kur dukej se Interi do të largohej me fitore, De Ketelaere shënoi golin e dytë personal në minutën e 81-të, duke ngushtuar epërsinë në 3:4.

Drama kulmoi në minutën e parë të kohës shtesë, kur Franck Kessie u tregua i saktë nga pika e bardhë, duke realizuar për 4:4 dhe duke i siguruar Atalantës një pikë të madhe.

Pas këtij barazimi, Atalanta ngjitet në vendin e 12-të në Serie A, ndërsa Interi mbetet në pozitën e tretë, por tashmë tri pikë larg kreut të tabelës.

Burimi: RTKLive

Lexo edhe

Shpërthimi në Zvicër, shqiptari rrëfen tmerrin: U ndjeva sikur isha kthyer në luftën e Kosovës, dëgjova tri herë thirrje për ndihmë

Shpërthimi në Zvicër, shqiptari rrëfen tmerrin: U ndjeva sikur isha kthyer në luftën e Kosovës, dëgjova tri herë thirrje për ndihmë

Çfarë burri je kur gjërat nuk shkojnë siç dëshiron? Reagimi yt tregon shumë për marrëdhënien në çift

Çfarë burri je kur gjërat nuk shkojnë siç dëshiron? Reagimi yt tregon shumë për marrëdhënien në çift

Valdrina, bashkëshortja e Valdetit futet për 24 orë në Big Brother

Valdrina, bashkëshortja e Valdetit futet për 24 orë në Big Brother