Nga një grabitje e dyshuar ndaj një shtetaseje braziliane në Pejë, te denoncimi për të shtëna me pushkë në malet e Batllavës, aksioni i Krimeve Ekonomike në Prishtinë dhe dy raste të tjera që u bënë pjesë e raportimeve të ditës.
Grabitja në Pejë: Tre të rinj dyshohet se rrahën dhe grabitën një braziliane, pasi ajo ia kishte dhënë njërin prej tyre numrin e telefonit dhe më pas ia kishte hapur derën e banesës. Sipas raportimit, asaj iu morën 800 euro dhe një iPhone 17 Pro Max.
Të shtënat në Batllavë: Një 64-vjeçar dyshohet se është denoncuar nga kushëriri për të shtëna me pushkë, me pretendimin se kishte tentuar ta vriste në malet e Batllavës. Policia ka gjetur një gëzhojë, por jo armën.
Aksioni në Prishtinë: Krimet Ekonomike kanë zhvilluar një aksion në objektin e kompanisë “Arting”, afër Hotel Derand, ku operojnë disa Call Center-a. Në operacion janë parë forca të shumta policore, ndërsa Prokuroria Speciale ka konfirmuar bashkëpunimin me autoritetet ndërkombëtare.
Zjarri në Izbicë: Një 75-vjeçar është njoftuar nga fqinji se shtëpia i ishte përfshirë nga zjarri. Dëmi vlerësohet rreth 20 mijë euro, ndërsa shkaku i zjarrit ende nuk dihet.
Vjedhja e Caddyt: Një veturë Volkswagen Caddy, që ishte lënë me çelësa brenda në Prishtinë, është vjedhur. Katër ditë më vonë, Policia e ka lokalizuar në Arllat, por shoferi nuk është ndalur, e ka braktisur veturën dhe është larguar në këmbë.
SINJALI 24 – Kur ti flije, ne e përcollëm Kosovën.
Shënim: Personat e përmendur në këtë lajm konsiderohen të pafajshëm derisa fajësia e tyre të vërtetohet me vendim të formës së prerë të gjykatës.
Sinjali – aty ku e vërteta flet para lajmit!
Burimi: Sinjali
