Është hedhur shorti për ndeshjet e “play-off”-it dhe çerekfinaleve të Ligës së Kombeve, në ceremoninë e mbajtur sot (e premte) në selinë e UEFA-s në Nyon të Zvicrës.

Në çerekfinale janë përcaktuar disa përballje mjaft interesante, ku vëmendjen kryesore e marrin dueli mes Spanjës dhe Francës, si dhe ai mes Norvegjisë dhe Anglisë.
Në dy çiftet e tjera do të përballen Holanda me Portugalinë dhe Belgjika me Gjermaninë.
Ndërkohë, në “play-off”-in për kalimin nga Liga A në Ligën B, Irlanda do të luajë kundër Kroacisë, Bosnja dhe Hercegovina ndaj Danimarkës, Hungaria kundër Serbisë, ndërsa Sllovenia do të përballet me Uellsin.
Në ndeshjet e “play-off”-it mes Ligës B dhe Ligës C, Qipro do të takohet me Maqedoninë e Veriut, Estonia me Rumaninë, Ishujt Faroe me Gjeorgjinë, ndërsa Bjellorusia me Izraelin.
Ndeshjet e para të “play-off”-it janë planifikuar të zhvillohen më 25 ose 27 mars 2027, ndërsa ato të kthimit më 28 ose 30 mars.
Përballjet eliminatore do të zhvillohen në dy ndeshje, me rezultatin e përgjithshëm që përcakton skuadrën fituese. Në rast barazimi pas 180 minutash, do të luhen vazhdimet dhe, nëse është e nevojshme, fituesi do të përcaktohet nga penalltitë.
Në çerekfinale, kombëtaret do të luftojnë për një vend në gjysmëfinale dhe më pas në finale të Ligës së Kombeve.
Sinjali – aty ku e vërteta flet para lajmit!
Burimi: Sinjali





