Njësitë policore, në bashkëpunim me zyrtarët e Doganës së Kosovës, gjatë kontrollit të një autobusi kanë gjetur dhe sekuestruar 50 fishekë për pushkë gjuetie dhe 100 fishekë me gaz, të cilët ishin në valixhen e shoferit.
Sipas njoftimit të Policisë së Kosovës, shoferi, mashkull, gjatë intervistimit ka deklaruar se fishekët i kishte blerë në një dyqan në Itali.

Lidhur me rastin është njoftuar prokurori kujdestar, i cili ka urdhëruar inicimin e rastit dhe kontrollin e shtëpisë së të dyshuarit.
Gjatë kontrollit në shtëpi, i dyshuari ka dorëzuar një pistoletë me leje, një pushkë gjuetie me leje, si dhe 240 fishekë të kalibrave të ndryshëm.
Në konsultim me prokurorin kujdestar, pas inicimit të rastit, i dyshuari është liruar, ndërsa rasti do të trajtohet në procedurë të rregullt.
Policia e Kosovës nuk ka dhënë detaje të tjera lidhur me rastin.
Burimi: RTKLive





