Sajoi se vuan nga leukemia dhe zhvati afro 190 mijë euro, ky është i dyshuari që u arrestua në Gjilan

Sajoi se vuan nga leukemia dhe zhvati afro 190 mijë euro, ky është i dyshuari që u arrestua në Gjilan

Sajoi se vuan nga leukemia dhe zhvati afro 190 mijë euro, ky është i dyshuari që u arrestua në Gjilan

Një skemë e rëndë mashtrimi, përmes së cilës u keqpërdor humanizmi i qytetarëve dhe mërgatës, është zbuluar dhe goditur nga organet e drejtësisë në Gjilan.

Sponsor 3M Express

Prokuroria Themelore në Gjilan, në bashkëpunim me Policinë e Kosovës, ka vënë në pranga një person të dyshuar për veprën penale të mashtrimit, i cili kishte arritur të grumbullonte mbi 189 mijë euro duke u shtirur si i sëmurë rëndë.

Burimet e Gazetës Sinjali bëjnë me dije se i dyshuari i arrestuar është Endrit Azemi.

Sipas njoftimit zyrtar të Prokurorisë, i dyshuari që nga data 9 nëntor e këtij viti kishte sajuar një histori të rreme, duke pretenduar se vuante nga sëmundja e rëndë e “Leukemisë Akute”, me të vetmin qëllim përfitimin e kundërligjshëm pasuror.

Përmes një fushate të hapur në platformën online “GoFundMe”, ai u kishte bërë thirrje publike për ndihmë financiare qytetarëve në Kosovë dhe bashkatdhetarëve në diasporë, kinse mjetet i nevojiteshin urgjentisht për trajtim dhe rehabilitim mjekësor.

Nga ky mashtrim, ai kishte arritur të grumbullonte shumën marramendëse prej 189 mijë e 206 euro e 8 centë. Mirëpo, pas verifikimeve të hollësishme të historikut të tij shëndetësor nga organet kompetente, është zbuluar se i dyshuari nuk vuante fare nga sëmundja që pretendonte.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata

Burimi: Sinjali

Lexo edhe

Besa Famgas rikthehet te fitorja, triumfon bindshëm ndaj Vëllaznimit

Besa Famgas rikthehet te fitorja, triumfon bindshëm ndaj Vëllaznimit

Nga Harry Potter te “Pride and Prejudice”, 10 serialet që ia vlen të shikohen në dhjetor

Nga Harry Potter te “Pride and Prejudice”, 10 serialet që ia vlen të shikohen në dhjetor

Malësia e Kamenicës po zbrazet, por banorët që kanë mbetur nuk dorëzohen|Video

Malësia e Kamenicës po zbrazet, por banorët që kanë mbetur nuk dorëzohen|Video

Sajoi se vuan nga leukemia dhe zhvati afro 190 mijë euro, ky është i dyshuari që u arrestua në Gjilan | Momenti