Njëjtë sikur ditëve të tjera, edhe në ditën e gjashtë ka eskaluar protesta në Tiranë, me përplasje të shumta ndërmjet protestuesve dhe Policisë së Shtetit.

Hedhja me gurë e koktej molotovi nga protestuesit, është kundërpërgjigjur në shumë raste me hedhje të topave të ujit dhe të gazit lotsjellës nga Policia.

Kaosi ka vazhduar edhe në orët e mbrëmjes në kryeqendrën shqiptare, ndërsa u është vënë flaka disa ambienteve të Komisariatit nr. 3 në Tiranë.

Situata paraqitet e rëndë, pasi në këtë komisariat ndodhen edhe ambiente paraburgimi.

Menjëherë në vendin e incidentit kanë mbërritur forca të shumta policie dhe një automjet zjarrfikës.