Prokuroria Themelore në Gjilan ka kërkuar caktimin e masës së paraburgimit ndaj B.Demirit, babait të 27-vjeçarit Adonis Demiri, i cili u gjet i vrarë bashkë me foshnjën e tij tre muajshe në fshatin Demiraj të Gjilanit.
I dyshuari po hetohet nën dyshimin për kryerjen e veprës penale “Vrasje e rëndë”, sipas nenit 173 të Kodit Penal të Kosovës.
Sipas njoftimit të Prokurorisë, rasti ishte raportuar më 1 nëntor, rreth orës 09:00, kur Policia e Kosovës e kishte njoftuar Prokurorin e Shtetit për gjetjen e dy viktimave në fshatin Demiraj.
I dyshuari B.D., babai i 27-vjeçarit, ishte ndaluar për 48 orë.
“Prokuroria Themelore në Gjilan, në bashkëpunim me Policinë e Kosovës – Drejtorinë për hetimin e krimit të organizuar dhe krimeve të rënda, njofton opinionin publik se me datën 01.11.2026, rreth orës 9:00 të mëngjesit nga Policia e Kosovës në Gjilan është njoftuar Prokurori i Shtetit, se në fshatin Demiraj, Komuna e Gjilanit, ka ndodhur një rast Vrasje e rëndë, ku viktimë janë A.D (27 vjeq) dhe D. D. (foshnje 3 muajsh), ku i dyshuari B.D, babai i viktimës A.D është ndaluar për 48 orë”.
Prokuroria ka bërë të ditur se më 2 nëntor ka paraqitur në Gjykatën Themelore në Gjilan kërkesën për caktimin e masës së paraburgimit ndaj të dyshuarit.
Ndërkohë, hetimet po vazhdojnë në koordinim me Policinë e Kosovës, me qëllim të zbardhjes së plotë të rrethanave të rastit.
Lexo edhe:
Burimi: Dukagjini
