Pesë përfaqësuese sigurojnë çerekfinalet e Ligës së Kombeve, mbeten edhe tri vende të lira

Pesë përfaqësuese sigurojnë çerekfinalet e Ligës së Kombeve, mbeten edhe tri vende të lira

Pesë përfaqësuese sigurojnë çerekfinalet e Ligës së Kombeve, mbeten edhe tri vende të lira

Pesë përfaqësuese kanë siguruar deri më tani kualifikimin në çerekfinale të Ligës së Kombeve 2026/27, ndërsa gara për tri vendet e mbetura vazhdon në dy grupet e tjera të Ligës A.

Anglia, Spanja, Franca, Belgjika dhe Portugalia janë skuadrat që tashmë e kanë siguruar kalimin në fazën çerekfinale.

Sponsor 3M Express

Anglia dhe Spanja u kualifikuan nga Grupi A3. Anglia e mposhti Spanjën 3:2 në Madrid, duke e përfunduar grupin në vendin e parë me 15 pikë, aq sa kishte edhe Spanja, e cila u rendit e dyta për shkak të goldallimit më të dobët.

Nga Grupi A1, në çerekfinale kaluan Franca dhe Belgjika. Franca e mposhti Turqinë 2:1 dhe e përfundoi grupin në vendin e parë me 13 pikë, ndërsa Belgjika siguroi vendin e dytë me 12 pikë, pas fitores 4:1 ndaj Italisë.

Portugalia është përfaqësuesja tjetër që e ka siguruar kualifikimin, pasi ka siguruar njërën nga dy pozitat e para në Grupin A4.

Tri vendet e mbetura do të përcaktohen pas përfundimit të ndeshjeve në Grupin A2 dhe Grupin A4. Në Grupin A2, në garë janë Holanda, Greqia dhe Gjermania, ndërsa në Grupin A4, Danimarka dhe Norvegjia luftojnë për vendin e dytë, krahas Portugalisë që tashmë është kualifikuar.

Ndeshjet e fundit të fazës së grupeve zhvillohen më 16 dhe 17 nëntor, ndërsa shorti për çerekfinalet do të hidhet më 20 nëntor.

Ndeshjet çerekfinale të Ligës së Kombeve janë paraparë të zhvillohen nga 25 deri më 30 mars 2027.

Burimi: Dukagjini

Lexo edhe

Vetura përfundon në kanal te Kroni i Mbretit, krijohen kolona disa kilometra të gjata në drejtim të Prishtinës

Vetura përfundon në kanal te Kroni i Mbretit, krijohen kolona disa kilometra të gjata në drejtim të Prishtinës

Terras reagon për këngën nacionaliste serbe:  Provokim ose injorancë, Komisioni Evropian i detyrohet Kosovës një shpjegim

Terras reagon për këngën nacionaliste serbe: Provokim ose injorancë, Komisioni Evropian i detyrohet Kosovës një shpjegim

Mblidhet Qeveria

Mblidhet Qeveria

Pesë përfaqësuese sigurojnë çerekfinalet e Ligës së Kombeve, mbeten edhe tri vende të lira | Momenti