Policia e Shtetit ka përdorur plumba gome në drejtim të protestuesve para Ministrisë së Arsimit në Tiranë, ndërsa situata gjatë ditës së pestë të protestës është përshkallëzuar.
Më herët, efektivët ndërhynë edhe me gaz lotsjellës, pasi protestuesit nisën të hedhin vezë dhe gurë në drejtim të tyre.
Tensionet u rritën pas përplasjeve mes protestuesve dhe policisë. Disa protestues të maskuar shkulën kangjellat anës rrugës dhe i vendosën në mes të saj, duke krijuar një barrierë përballë efektivëve.
Gjatë protestës, protestuesit dogjën edhe kosha plehrash në mes të rrugës. Ndërkohë, një valixhe, e përdorur si simbol i emigrimit, u dogj dhe u hodh brenda oborrit të Ministrisë së Arsimit.
Sinjali – aty ku e vërteta flet para lajmit!
The post Përshkallëzohet protesta në Tiranë, policia qëllon me plumba gome ndaj protestuesve appeared first on Sinjali.
Burimi: Sinjali
