Vrasja e Arlinda Zekajt nga kunati i saj ka prekur hallkat brenda Policisë së Kosovës. Si pasojë e dështimin në mbrojtjen e gruas , Policia e Kosovës ka bërë ndryshime në strukturën e saj organizative, duke caktuar zyrtarë të rinj në disa pozita udhëheqëse dhe drejtuese në nivel qendror e rajonal.

Sipas Policisë së Kosovës, këto lëvizje janë bërë në përputhje me procedurat ligjore dhe udhëzimet administrative, si dhe në bazë të nevojave operacionale dhe planifikimeve për plotësimin e strukturës organizative.

Nga PK-ja kanë theksuar se bëhet fjalë për një institucion dinamik, i cili në vazhdimësi bën sistemimin dhe caktimin e zyrtarëve policorë në pozita të ndryshme, varësisht nga nevojat e funksionimit dhe riorganizimit të personelit.

Ndër ndryshimet e bëra në udhëheqjen e institucionit, kolonel Taibe Canolli-Brajshori është caktuar ushtruese e detyrës së zëvendësdrejtorit të Përgjithshëm të Policisë së Kosovës.

Ndërkaq, kolonel Afërdita Mikullofci është caktuar drejtore e Divizionit të Trafikut Rrugor, ndërsa kolonel Agron Rukiqi do të drejtojë Departamentin e Burimeve Njerëzore.

Në pozita të tjera drejtuese janë caktuar edhe:

• Kolonel Agron Nezaj – në Zyrën për Hartimin dhe Koordinimin e Projekteve të PK-së, në kuadër të DPP-së;
• Nënkolonel Fehmi Xhata – drejtor i Departamentit të Hetimeve;
• Nënkolonel Arben Paçarizi – drejtor i Departamentit të Inteligjencës dhe Analizës;
• Nënkolonel Veton Elshani – drejtor i Departamentit të Kufirit;
• Nënkolonel Kamer Jonuzi – drejtor i Departamentit të Shërbimeve Mbështetëse;
• Nënkolonel Fatmir Bajrami – drejtor i Divizionit të Analizës në DIA;
• Nënkolonel Gëzim Dibrani – drejtor i Drejtorisë për Bashkëpunim Ndërkombëtar Policor;
• Nënkolonel Jeton Rexhepi – drejtor rajonal i Kufirit – Lindje;
• Nënkolonel Fatos Makolli – këshilltar në DRP-në e Prishtinës;
• Nënkolonel Luan Keka – drejtor rajonal në DRP-në e Gjilanit;
• Major Blerim Rama – drejtor i Drejtorisë Kundër Terrorizmit.

Burimi: Insajderi