Disa fotografi kanë arritur në redaksinë e Sinjalit, ku pretendohet se në Gjimnazin “Hivzi Sylejmani” në Fushë Kosovë ka papastërti.
Sipas sinjalizuesve gjendja brenda një klase nuk është e mirë.
E për këtë shkak, Sinjali ka kontaktuar me drejtorin e shkollës Amir Pllanën, i cili e ka mohuar këtë.
“Jo, ne njihemi si ndër shkollat më të pastërta. Ka mundësi që eventualisht gjatë fundit të procesit mësimor nxënësit ta hudhin ndonjë letër, përndryshe shkolla është e hapur dhe mund ta vizitoni edhe vet”, deklaroi ai.
“Aktualisht jemi duke i vendosur disa Smart Board në klasa, pra “Tabela të mençura”, jemi në përfundim të vendosjes dhe ndoshta për këtë ka edhe mundësi të ketë ngapak ndonjë papastërti, përndryshe gjendja me pastërtinë është e mirë”, deklaroi Pllana për Sinjalin.
Sinjali – aty ku e vërteta flet para lajmit!
Burimi: Sinjali
