“LSD dhe Venko Filipçe vazhdojnë të përhapin manipulime në lidhje me rastin e Alta Bank. Se ata nuk kanë njohuri për sektorin bankar është e qartë nga fakti se ata nuk bëjnë dallim midis Eurostandard dhe Alta Bank, sepse janë dy raste në të cilat baza ligjore nuk është e njëjtë”, thonë nga OBRM-PDUKM në lidhje me situatën me bankën e Manastirit.

Nga OBRM-PDUKM thonë se në vitin 2019, LSDM lejoi që 110 milionë euro të transferoheshin nga Venezuela, e cila atëherë ishte nën sanksione ndërkombëtare, te kompanitë afër Zaevit.

“Paratë u transferuan përmes llogarive jo-rezidente të kompanive të hapura në mënyrë fiktive në Shkup, dhe pronarët ishin shtetas të Amerikës Latine, dhe një pjesë e këtyre parave kaloi edhe përmes bankave ruse.

Kompanitë e afërta me Zaevin fituan pothuajse 13 milionë euro duke mos paguar kreditë, në dëm të të gjithë depozituesve të tjerë në bankë.
Një nga këto kompani ishte kompania “Sara Engineering DOO Strumica”, atëherë në pronësi të Vice Zaev, dhe tani drejtohet nga Stojan Kocirov. Kocirov është anëtar i Komitetit Qendror të LSD-së, i emëruar drejtpërdrejt nga Filipçe. Kompania është debitore ndaj Zyrës së të Ardhurave Publike për taksa të papaguara plotësisht”, thekson partia në pushtet.

Nga atje shtojnë se autoritetet përgjegjëse për Alta Bank ishin transparente në lidhje me të gjithë rastin dhe thanë se po punonin për të zgjidhur problemin./Telegrafi/