Kryetari i Komunës së Skenderajt, Sami Lushtaku, ka njoftuar se kanë filluar punimet në rrugën që lidh lagjet e fshatrave Klinë e Poshtme dhe Klinë e Mesme.

Përmes një postimi në Facebook, Lushtaku ka bërë të ditur se ky investim synon përmirësimin e infrastrukturës rrugore dhe krijimin e qasjes në rrugë publike për familjet e kësaj zone, të cilat deri më tani nuk kanë pasur qasje të duhur.
“Me këtë projekt, po përmirësojmë qasjen, lehtësojmë lëvizjen dhe po sigurohemi që infrastruktura publike t’u shërbejë të gjithë qytetarëve!”, ka shkruar Lushtaku. /Telegrafi/





