Vaji është një nga elementet më të rëndësishme për funksionimin e motorit të një automjeti.

Megjithëse shumica e shoferëve bazohen në kilometrat e përshkuar për të vendosur se kur duhet ta ndërrojnë, ekspertët paralajmërojnë se edhe koha luan rol të rëndësishëm.

Për shembull, nëse një automjet përshkon vetëm 1,600 kilometra në vit dhe prodhuesi rekomandon ndërrimin e vajit çdo 8,000 kilometra, a do të thotë kjo se mund ta përdorni të njëjtin vaj për pesë vjet?

Përgjigjja është jo.

Vaji i motorit ka një jetëgjatësi të kufizuar dhe përgjithësisht rekomandohet të ndërrohet çdo gjashtë deri në 12 muaj, edhe nëse automjeti përdoret shumë rrallë, duke marrë parasysh udhëzimet e prodhuesit.

Edhe kur vetura qëndron e parkuar në garazh për periudha të gjata, vaji mund të degradohet.

Me kalimin e kohës, ai mund të oksidohet, ndërsa lagështia dhe papastërtitë që depërtojnë në sistem ndikojnë në cilësinë e tij.

Mënyra e përdorimit dhe kushtet e ruajtjes së automjetit gjithashtu ndikojnë në jetëgjatësinë e vajit.

Veturat që qëndrojnë jashtë ekspozohen ndaj ndryshimeve të temperaturës, të cilat mund ta përshpejtojnë degradimin.

Po ashtu, udhëtimet e shkurtra mund të jenë problematike, pasi motori nuk arrin gjithmonë temperaturën e nevojshme për të larguar lagështinë e grumbulluar. /Telegrafi/