Mjekët e papunë protestojnë me konsulta falas, kërkojnë zgjidhje nga institucionet

Mjekët e papunë protestojnë me konsulta falas, kërkojnë zgjidhje nga institucionet

Mjekët e papunë protestojnë me konsulta falas, kërkojnë zgjidhje nga institucionet

 Iniciativa, e nisur më 23 tetor, parasheh punësimin pas diplomimit, rritjen e mundësive për specializim, kompensimin e stazhit të detyrueshëm gjashtëmujor dhe përmirësimin e pozitës së profesionistëve shëndetësorë.

 Përfaqësuesi i protestuesve Besfort Racaj tha se, pavarësisht përpjekjeve për të hapur dialog me Ministrinë e Shëndetësisë dhe institucionet e tjera, deri më tani nuk kanë marrë përgjigje konkrete. Sipas tij, vetëm gjatë pesë vjetëve të fundit, mbi 650 mjekë kanë lënë Kosovën.

Sponsor 3M Express

Përmes konsulencave falas, protestuesit thonë se duan të dëshmojnë gatishmërinë për t’u shërbyer qytetarëve, edhe pse nuk u është krijuar mundësia për të punuar në institucionet publike shëndetësore. Mes tyre janë edhe specialistë që, pavarësisht përfundimit të specializimit, vazhdojnë të jenë pa punë në sektorin publik.

Njëri prej tyre është specialisti i oftalmologjisë, Besfort Dabiqaj, i cili thotë se ai dhe shumë kolegë të gjeneratës së tij janë tashmë dy vjet pa punë. Ai paralajmëron se mungesa e një plani për sistemimin e profesionistëve shëndetësorë rrezikon të krijojë një problem edhe më të madh në vitet e ardhshme.

Për këtë arsye, protestuesit kërkojnë hartimin e një plani nacional për shpërndarjen e mjekëve në institucionet publike dhe ofrojnë bashkëpunim vullnetar për këtë proces. Përveç konsultave falas, ata kanë nisur edhe një peticion për të mbledhur mbështetjen e qytetarëve për kërkesat e tyre.

 Protestuesit thonë se aksionet do të vazhdojnë deri në adresimin e kërkesave, duke theksuar se synimi i tyre nuk është përballja me institucionet, por krijimi i kushteve për të ushtruar profesionin në vendin e tyre.

Burimi: RTKLive

Lexo edhe

Baseli, Arabia Saudite apo pensionimi – këto janë mundësitë për të ardhmen e Shaqirit

Baseli, Arabia Saudite apo pensionimi – këto janë mundësitë për të ardhmen e Shaqirit

Sulmohet me dronë anija ruse në Gjirin e Finlandës, përfshihet nga flakët

Sulmohet me dronë anija ruse në Gjirin e Finlandës, përfshihet nga flakët

Espí: Real Madridi përfaqëson të gjitha ëndrrat e mia

Espí: Real Madridi përfaqëson të gjitha ëndrrat e mia