Mbi 804 mijë përfitues nga skemat sociale gjatë tetorit

Mbi 804 mijë përfitues nga skemat sociale gjatë tetorit

Mbi 804 mijë përfitues nga skemat sociale gjatë tetorit

Sipas të dhënave statistikore për muajin tetor 2026, numri i përfituesve në kategoritë e paraqitura arrin në 737,712 përfitime, ndërsa vlera e mjeteve të ndara për këto skema kap shumën prej 82,924,004.45 euro. Duhet theksuar se numri i përfitimeve nuk nënkupton domosdoshmërisht numrin e qytetarëve unikë, pasi një person mund të përfitojë nga më shumë se një skemë.

Pjesën më të madhe të përfituesve e përbëjnë përfituesit e shtesave për fëmijë, me 375,185 përfitues dhe 13,556,340 euro pagesa. Ndërkaq, pensionet bazike të moshës përfshijnë 174,399 përfitues, për të cilët janë ndarë 27,781,920 euro.

Sponsor 3M Express

Një pjesë e konsiderueshme e buxhetit social është orientuar edhe për pensionet kontributpaguese të moshës, me 47,654 përfitues dhe 11,649,070 euro, si dhe për veteranët e luftës, ku janë evidentuar 39,777 përfitues dhe 7,846,468.10 euro pagesa.

Në kuadër të mbështetjes për familjet në gjendje të rëndë ekonomike, Skema e Ndihmës Sociale ka përfshirë 14,444 përfitues, me gjithsej 2,135,692 euro të shpenzuara.

Mbështetje financiare kanë përfituar edhe lehonat e punësuara dhe të papunësuara, familjet me fëmijë me aftësi të kufizuara, personat me aftësi të kufizuara, si dhe kategoritë e tjera të përcaktuara me legjislacionin në fuqi.

Të dhënat e ASK-së tregojnë se skemat e mirëqenies sociale vazhdojnë të kenë rol të rëndësishëm në mbështetjen ekonomike të qytetarëve, veçanërisht të pensionistëve, familjeve me fëmijë dhe kategorive që kanë nevojë për përkrahje të vazhdueshme institucionale.

Burimi: RTKLive

Lexo edhe

Lara Colturi triumfon në Gurgl, histori për Shqipërinë

Lara Colturi triumfon në Gurgl, histori për Shqipërinë

Shefi i inteligjencës turke takohet me delegacionin e Hamasit në Stamboll

Shefi i inteligjencës turke takohet me delegacionin e Hamasit në Stamboll

E rëndë: Sot varroset Zymer Blakaj, që u gjet pa shenja jete në vendin e punës në Istog

E rëndë: Sot varroset Zymer Blakaj, që u gjet pa shenja jete në vendin e punës në Istog