Kush ishin klientët e grupit të dyshuar të drogës? Emrat dhe nofkat që përmenden në përgjime

Kush ishin klientët e grupit të dyshuar të drogës? Emrat dhe nofkat që përmenden në përgjime

Kush ishin klientët e grupit të dyshuar të drogës? Emrat dhe nofkat që përmenden në përgjime

Përgjimet e përfshira në raportin e Prokurorisë për rastin e njohur si grupi “Heshtja”, në të cilin është arrestuar Astrit Haraqija së bashku me pesë të dyshuar të tjerë, përfshijnë komunikime ku përmenden disa persona që, sipas bisedave të monitoruara, kërkonin sasi të ndryshme të substancave narkotike nga personat nën hetim.

Sponsor 3M Express

Në raport përshkruhen biseda për porosi, shitje, furnizim dhe dhënie të narkotikëve me kredi, ndërsa Prokuroria pretendon se këto komunikime dëshmojnë mënyrën e funksionimit të grupit të dyshuar për blerje, posedim, shpërndarje dhe shitje të paautorizuar të narkotikëve.

Në materialin hetimor disa prej tyre identifikohen me nofka, të tjerë me emra, ndërsa disa vetëm me iniciale. Këto janë identifikimet që shfaqen në raport:

Personat e përmendur me nofka ose emra:

  • Roberti – më 3 maj 2026, sipas raportit, kërkonte një gram narkotik me borxh deri të nesërmen. Në një bisedë tjetër përmenden edhe 20 gramë që pretendohet se ia kishte marrë borxh.
  • Lushi, Zifti dhe Milli – përmenden në bisedën e 6 majit, kur Gëzim Feka i tregon “Dajës” se këta persona kishin marrë sasi nga ai.
  • Galqi – më 17 maj, sipas raportit, Gëzim Feka i dorëzon 10 gramë narkotik.
  • Enesi – përmendet në komunikimet e 23 majit. Sipas raportit, ai takohet me Fekën dhe i thotë se “Daja” e kishte dërguar për t’ia sjellë një porosi.
  • Raqi – më 24 maj kërkon furnizim me borxh. Në të njëjtën ditë përmendet edhe një pagesë prej 350 eurosh dhe një furnizim prej pesë gramësh.
  • Suadini, Ari, Alfredini dhe Caka – përmenden si blerës që, sipas Fekës, ishin në pritje të furnizimit.
  • Milosheva – përmendet në një bisedë të 24 majit lidhur me një pagesë prej 200 eurosh dhe një sasi prej pesë gramësh.

Klientët e identifikuar vetëm me iniciale:

  • E.S. – më 1 qershor përmendet si klient që kishte shprehur pakënaqësi për cilësinë e narkotikut që, sipas raportit, e kishte marrë nga Arjanit Beqiri.
  • M.B. – në të njëjtën ditë kërkon 20 gramë narkotik, ndërsa në një bisedë tjetër përmendet kërkesa për shtatë sasi nga 10 gramë.
  • A.I. – kërkon tri sasi nga pesë gramë, sipas komunikimit të përshkruar në raport.
  • NN – më 20 maj një blerës i identifikuar kështu kërkon 30 gramë me borxh nga Arjanit Beqiri.

Raporti përmend gjithashtu persona të tjerë të identifikuar me emra ose pseudonime, por jo të gjithë paraqiten shprehimisht si klientë. Për këtë arsye, lista më sipër përfshin vetëm identifikimet që materiali i lidh me kërkesa, blerje ose furnizime.

Burimi: Insajderi

Lexo edhe

Mbrojtja ajrore ruse pretendon se ka neutralizuar mbi 1 mijë e 300 dronë ukrainas

Mbrojtja ajrore ruse pretendon se ka neutralizuar mbi 1 mijë e 300 dronë ukrainas

“E prisnin jashtë sepse e bëri shqiponjën pas golit”, përfaqësuesja e ekipit të futbollit UÇK Sydney rrëfen kërcënimet që serbët ia bënin djalit të saj

“E prisnin jashtë sepse e bëri shqiponjën pas golit”, përfaqësuesja e ekipit të futbollit UÇK Sydney rrëfen kërcënimet që serbët ia bënin djalit të saj

Policia rrethon zonën ku ndodhi grabitja në Gjakovë

Policia rrethon zonën ku ndodhi grabitja në Gjakovë