Kujtim Ahmeti nominohet nga SP Aargau për zgjedhjet parlamentare në Zvicër të vitit 2027

Kujtim Ahmeti nominohet nga SP Aargau për zgjedhjet parlamentare në Zvicër të vitit 2027

Kujtim Ahmeti nominohet nga SP Aargau për zgjedhjet parlamentare në Zvicër të vitit 2027

Partia Socialdemokrate e kantonit Aargau (SP Aargau) ka nominuar Kujtim Ahmetin si kandidat për zgjedhjet e Këshillit Kombëtar të Zvicrës, që do të mbahen më 24 tetor 2027.

Sponsor 3M Express

Kongresi i SP Aargau u mbajt të shtunën në Umwelt Arena në Spreitenbach, ku delegatët miratuan njëzëri listën kryesore të kandidatëve për zgjedhjet federale të vitit 2027. Në mesin e kandidatëve të nominuar është edhe Kujtim Ahmeti, me prejardhje nga Kosova, i cili jeton dhe vepron në kantonin Aargau të Zvicrës.

Ahmeti ka një përvojë të mëparshme në politikën zvicerane.

Ai ka qenë anëtar i kryesisë së SP Aargau dhe ka garuar edhe në zgjedhjet federale të vitit 2023, si dhe në zgjedhjet për Parlamentin Kantonal të Aargaut në vitin 2024.

Me kandidimin e tij të ri, Ahmeti synon ta vazhdojë angazhimin politik në nivel federal, duke përfaqësuar interesat e qytetarëve dhe duke synuar që zëri i tyre të dëgjohet në Parlamentin e Zvicrës, në Bernë.

Kjo kandidaturë përbën një zhvillim me interes edhe për komunitetin shqiptar në Zvicër. Shqiptarët janë pjesë aktive e shoqërisë zvicerane, kontribuojnë në ekonomi, jetën sociale dhe institucionet e vendit, ndërsa përfaqësimi i tyre në politikën federale mbetet një çështje me rëndësi për komunitetin.

Zgjedhjet për Parlamentin Federal të Zvicrës janë caktuar të mbahen më 24 tetor 2027, ndërsa kandidatura e Kujtim Ahmetit do të jetë pjesë e garës politike në kantonin Aargau./Telegrafi/

Lexo edhe

E rëndë në Ferizaj, 14-vjeçari dyshohet se e rrahu gjyshen me shqelma – 73-vjeçarja pëson lëndime, nipi ndalohet nga Policia

E rëndë në Ferizaj, 14-vjeçari dyshohet se e rrahu gjyshen me shqelma – 73-vjeçarja pëson lëndime, nipi ndalohet nga Policia

Zjarri shkrumbon ndërtesën në Tajlandë, 11 persona humbin jetën

Zjarri shkrumbon ndërtesën në Tajlandë, 11 persona humbin jetën

Tahiri për këngën serbe në Bruksel: BE-ja të kërkojë falje, në Prishtinë dorëheqje

Tahiri për këngën serbe në Bruksel: BE-ja të kërkojë falje, në Prishtinë dorëheqje