Presidenti aktual i FIFA-s, Gianni Infantino, mund të përballet me një rival serioz në garën për rizgjedhje në krye të institucionit më të lartë të futbollit botëror.
Anëtari i Këshillit të FIFA-s, japonezi Kohzo Tashima, i cili ka bashkëpunuar me Infantinon për gati 11 vjet, po planifikon të kandidojë për postin e presidentit, kanë raportuar mediumet japoneze.
Tashima konsiderohet kandidati i parë serioz që mund t’i dalë përballë Infantinos, ndërsa afati i fundit për dorëzimin e kandidaturave është 18 nëntori.
Ish-presidenti i Federatës Japoneze të Futbollit ka marrë përkrahjen e plotë të këtij institucioni për kandidaturën e tij.
Ndërkohë, FIFA po përballet me kritika lidhur me disa zhvillime të fundit, përfshirë dështimin e planit të Infantinos për shitjen e aksioneve te investitorët privatë.
Duke folur për mundësinë e një gare pa kundërkandidat, Tashima ka kritikuar një skenar të tillë.
“Gjëja më e keqe që mund të ndodhë është që Infantino të rizgjedhet në post pa zgjedhje fare”, ka deklaruar ai.
Sinjali – aty ku e vërteta flet para lajmit!
Burimi: Sinjali
