Ish-kryeministri dhe deputeti i Lidhjes Demokratike të Kosovës (LDK), Avdullah Hoti, ka kritikuar politikat ekonomike të Qeverisë së udhëhequr nga Albin Kurti, duke krahasuar rezultatet ekonomike të kësaj qeverisjeje me ato gjatë kohës kur vendi udhëhiqej nga LDK-ja.

Hoti ka pretenduar se gjatë qeverisjes së Kurtit Kosova ka shënuar rritje më të ulët ekonomike dhe inflacion më të lartë, krahasuar me periudhën e qeverisjes së LDK-së.
Ai ka thënë se gjatë viteve 2022-2026 nuk janë ndërmarrë politika të mjaftueshme fiskale për të zbutur inflacionin dhe për të nxitur rritjen ekonomike.
Hoti ka kritikuar gjithashtu mosrealizimin e projekteve kapitale dhe fokusin e Qeverisë në skema sociale dhe subvencione.
Sipas tij, rritja e çmimeve ka rënduar buxhetin e familjeve në Kosovë.
Burimi: Insajderi





