GTA 6 tashmë e disponueshme në Zelandën e Re, lojtarët e parë nisin aventurën

GTA 6 tashmë e disponueshme në Zelandën e Re, lojtarët e parë nisin aventurën

GTA 6 tashmë e disponueshme në Zelandën e Re, lojtarët e parë nisin aventurën

Grand Theft Auto VI (GTA 6), njëra nga lojërat më të shumëpritura të viteve të fundit, ka nisur të bëhet e disponueshme në Zelandën e Re, ku lojtarët e parë kanë mundësinë të eksplorojnë botën virtuale të krijuar nga Rockstar Games.

Sponsor 3M Express

Kompania ka zgjedhur një lansim gradual, të organizuar sipas zonave kohore, çka ka bërë që Zelanda e Re të jetë ndër vendet e para ku loja është aktivizuar.

Sipas mediave të huaja, lojtarët në këtë vend mund ta luajnë GTA 6 në platformat PlayStation 5 dhe Xbox Series X|S.

Ndërkohë, në Shtetet e Bashkuara dhe në pjesën tjetër të botës, lansimi digjital është planifikuar për mesnatën e 19 nëntorit, sipas kohës lokale.

Për të mos pritur deri në orarin zyrtar të lansimit në vendet e tyre, disa lojtarë thuhet se po provojnë një mënyrë alternative: ndryshimin e rajonit të konsolës Xbox në Zelandën e Re. Megjithatë, as Rockstar Games dhe as Microsoft nuk kanë konfirmuar nëse kjo metodë funksionon.

Sa i përket versionit për kompjuterë (PC), deri më tani nuk është bërë e ditur ndonjë datë zyrtare e lansimit. Raportimet se loja mund të mbërrijë në PC gjatë periudhës janar-mars 2027 mbeten të pakonfirmuara nga Rockstar Games.

GTA 6 ka krijuar pritje të jashtëzakonshme edhe para lansimit, ndërsa raportimet e publikuara e vlerësojnë se loja ka gjeneruar mbi 1.5 miliard dollarë, apo rreth 1.35 miliard euro, ende pa u bërë e disponueshme për lojtarët.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Arrestohet 60-vjeçari i dyshuar për vrasjen në Suharekë

Arrestohet 60-vjeçari i dyshuar për vrasjen në Suharekë

Vdes personi që u plagos në Suharekë

Vdes personi që u plagos në Suharekë

Real Madridi merr vendimin për Arda Gulerin, turku vazhdon kontratën deri në vitin 2032

Real Madridi merr vendimin për Arda Gulerin, turku vazhdon kontratën deri në vitin 2032