Gjendja emergjente në energji, Bajrami: Kjo i bie që për 60 ditë energjia mund të ndërpritet kurdo dhe kudo

Gjendja emergjente në energji, Bajrami: Kjo i bie që për 60 ditë energjia mund të ndërpritet kurdo dhe kudo

Gjendja emergjente në energji, Bajrami: Kjo i bie që për 60 ditë energjia mund të ndërpritet kurdo dhe kudo

Deputetja e Lidhjes Demokratike të Kosovës, Hykmete Bajrami ka theksuar se meqenëse Kuvendi ka miratuar vendimin e Qeverisë për shpalljen e gjendjes së jashtëzakonshme në sektorin e energjisë i bie që për 60 ditë energjia mund të ndërpritet kurdo dhe kudo.

Sponsor 3M Express

Bajrami në një postim në Facebook shkruan se ky vendim nuk e përmirëson furnizimin me energji, ky vendim e mbron KEDS/KESCO-n nga paditë eventuale për dëmet që po bëhen nga ndërprerjet e energjisë elektrike.

Lexoni të plotë postimin e saj:

Të nderuar qytetarë, ju që po përballeni me reduktime,

Mbrëmë, pas mesnatës, në Kuvendin e Republikës së Kosovës, LVV-ja votoi vendimin e Qeverisë për shpalljen e gjendjes së jashtëzakonshme në sektorin e energjisë – kjo është domethënia e masave emergjente në sektorin e energjisë.

Tash, për 60 ditë, energjia mund të ndërpritet kurdo dhe kudo, sepse këtë e lejon Kuvendi me vendim. Pra, ky vendim nuk e përmirëson furnizimin me energji, ky vendim e mbron KEDS/KESCO-n nga paditë eventuale për dëmet që po bëhen nga ndërprerjet e energjisë elektrike.

Po, vendimi e detyron edhe Ibër-Lepencin të prodhojë energji për Shërbimin Universal, por kapaciteti i instaluar i tij është vetëm rreth 30 MW. Tash mendojeni vetë sa mundet me u përmirësu gjendja me 30 MW.

Ky vendim mbi të gjitha vlen:

– Për t’i arsyetuar reduktimet,

– Për blerjen e energjisë elektrike, duke anashkaluar rregullat e prokurimit publik,

– Për kontraktimin e kompanive për investime e remonte në KEK, pa procedurat e zakonshme të prokurimit,

Mos të harrojmë, masat emergjente për furnizim me energji u shpallën për herë të parë më 21 dhjetor 2021. Gati pesë vjet më vonë, ende po qeverisin me masa emergjente.

Ndërkohë:

– Nuk ka kontrata afatgjata për blerje të energjisë.

– Remontet kanë dështuar dhe kontratat janë lidhur shumëfish më shtrenjtë.

– Strategjia e Energjisë nuk po zbatohet.

– Nuk janë ndërtuar kapacitete të reja gjeneruese.

Ka vetëm një zgjidhje: kapacitete të reja gjeneruse. Jemi vonë, por nëse nuk fillojmë, kriza vetëm do të thellohet, shumë shpejt do të vijmë në pikën ku as qytetarët e as buxheti i Kosovës s’ka me i përballu faturat e energjisë. /Telegrafi/


Lexo edhe

Dogana kap mbi 11 mijë paketime prezervativësh dhe 400 cigare elektronike të padeklaruara

Dogana kap mbi 11 mijë paketime prezervativësh dhe 400 cigare elektronike të padeklaruara

Sulmoi me grushte dy shpërndarës të Gjykatës në Gjilan, përfundon në paraburgim për një muaj

Sulmoi me grushte dy shpërndarës të Gjykatës në Gjilan, përfundon në paraburgim për një muaj

Një muaj paraburgim për të dyshuarin që sulmoi dy punonjës të gjykatës në Gjilan

Një muaj paraburgim për të dyshuarin që sulmoi dy punonjës të gjykatës në Gjilan