Përzgjedhësi i Kombëtares së Kosovës në futboll, Franco Foda, ka publikuar listën e futbollistëve të ftuar për dy ndeshjet e radhës në kuadër të Ligës së Kombeve.
“Dardanët” do të përballen me Izraelin dhe Republikën e Irlandës, në dy sfida të rëndësishme për vazhdimësinë e garës dhe objektivat e Kosovës në këtë kompeticion.
Në listën e publikuar nga Foda ka edhe tri prurje të reja, të cilat do ta veshin për herë të parë fanellën e Kombëtares së Kosovës.
Bëhet fjalë për Lindrit Kamberin, Bleon Kurtulusin dhe Enis Rexhepin, të cilët kanë marrë ftesën e parë nga përzgjedhësi gjerman.
Federata e Futbollit e Kosovës ka bërë të ditur se skuadra do t’i hyjë këtyre përballjeve me motivim të lartë dhe përkushtim maksimal, me synimin për të arritur rezultate pozitive.
Sinjali – aty ku e vërteta flet para lajmit!
Burimi: Sinjali
